遇襲的高級警員黃偉科（四十歲），一九九二年入職警隊，駐守尖沙嘴警署軍裝巡邏小隊兩年多，警隊生涯主要做軍裝工作，亦曾參與佔中「光明頂」行動。黃Sir臉部受傷、左眼角有傷痕，事後到醫院治理時，記者問他為何無擋格，他只回應：「中第一拳已暈暈哋，下意識緊捉住佢（疑兇）！」
毒果新聞，到處害人！
2015/03/04 10:14:36 網誌分類: 時事
毒果A1頭條：(我講過唔會買一傳媒任何刊物，祇不過今朝聽電台讀報紙頭條先知)
【本報訊】一名男警昨早在尖沙嘴重慶大廈巡邏時，見一名巴基斯坦男子在找換店情緒激動大力拍打玻璃，他上前調查從後拍打對方肩膊，豈料巴漢一轉身二話不說，在五秒間向其頭部連揮九拳施襲，警員沒有擋格、亦無還擊，警帽更被打至飛脫，最後要由保安營救，巴漢則被趕至「行孖咇」同袍制服拘捕。有關遇襲經過被閉路電視拍下，片段更在網上瘋傳，不少網民竟留言叫好。
一哥不排除增裝備
事發於昨早十時許，黃Sir與另一名警員如常巡邏，並到尖沙嘴彌敦道重慶大廈地下「簽簿」。此時，巴基斯坦男子Tahir Mohammad（三十五歲)，在大廈入口左邊一家外幣找換店與職員發生爭執，更拍打櫥窗玻璃洩憤。黃Sir見狀遂獨自上前制止。
現場大廈閉路電視拍下整個過程，可見黃Sir拍打Mohammad肩膊時頗為用力，Mohammad登時被嚇一跳，隨即揮拳打黃臉部，黃中拳後未及反應，沒有出手擋格或閃避，只有捱打，約五秒間他頭臉連中九拳，拳拳到肉，警帽也被打至飛跌地上，但他左手一直搭着施襲男子的肩膊。
電光石火間，一名熱心途人上前制止疑兇，大廈一名保安趕至施以援手；其後另一名保安員及黃的孖咇同袍趕至，把疑兇制服在地，當場被捕。現場消息指，Mohammad當時在找換店以一萬多港元兌換千多元英鎊，發覺金額比預期少，疑不滿店舖收取手續費遂起爭執，並拍打店舖玻璃，導致店舖一個鎖被毀壞。
Mohammad涉嫌襲警及刑事毀壞被捕。消息指他被捕後，一度報稱自己精神有問題，其後被五花大綁送院檢查，其間還念念有詞。
警員連中九拳片段昨在網上瘋傳，網民留言大部份是嘲笑警員未有反應：「打大力ｄ（啲）呀嘛！！睇見都覺得爽！」「除左（咗）恭喜之外都唔知講乜好。」「抵死！對香港人就惡死，一對外籍就收皮！」(你班「瘋民」夠仇視中國人，向英美卑躬屈膝啦)「反應都無？有棍有刀咪死左（咗），連基本反應都無，點做差佬？」(所以警方對付呢班嘢唔應該再用胡椒噴霧，要以自己人身安全放首位)
警務處處長曾偉雄表示非常關注事件，強調警方有足夠培訓及裝備應對，但不排除有需要時會為巡警增添裝備。亦有消息稱，黃Sir遇襲時，一手搭着施襲者的肩膊，另一手拉動通訊機緊急「紅掣」發出求救，故沒有擋格，在數秒間反應不來，亦不算失職。
學者：社會撕裂後遺
香港拳擊總會主席徐家傑形容，涉事警從後拍打疑兇肩膊非常不智，「尤其重慶大廈環境複雜，人哋攞緊錢更加敏感，唔知以為劏死牛」。他認為該警員應首先示警，表明身份。警察員佐級協會發言人董耀明相信，警員當時拍打疑兇肩膊，可能判斷當時危險性不高，始料不及遭人連番襲擊。
對於今次警員遇襲引來部份網民叫好，理大應用社會科學系助理教授鍾劍華直指涉事警員今次也是受害者，但網民以幸災樂禍的心態加以取笑，相信可能與之前佔領運動期間，有個別警員以過激手法對待示威者有關，體現出社會撕裂的一種後遺症。 
--------------------------------------------------------
第一. 呢段新聞都可以上頭條，毒果準則何在？(純粹因為有警員俾人打，有網上「瘋呢」拍爛手掌？)
第二. 撇開呢位警員從後拍打是否正確，咁唔好彩又撞正個精神有問題嘅人，咁整件事都係因誤會而產生，網民竟然講出一些非人類所講嘅說話，不是「瘋民」是什麼？
第三. 從此事引起，身為人家長更加要小心為子女選擇讀物(唔好選錯毒物)，子女上網識人都要好小心，識著啲「瘋民」就害佢地一生！得閒冇嘢做去「鳩嗚」、依家又聽人點去「光復」，總之壞事做盡！
而家顛人太多！