打工仔炒股實錄

返工炒股好鬼忙 國壽紫金中遠洋

開工最緊要上網 對住電腦追渣放

高沽低渣最擅長 好快搵倒份雙糧

股神上身身家漲 畢飛特都企一傍

開會電腦不在傍 手機可以上銀行

任何機會都唔放 美股外匯炒天光

高談闊論唔怕揚 老細都當不在場

只要股市日日上 隨時唔撈無傷肝

鄺神燈與亂倫常 跟買實止蝕收場

大師神六好幫忙 買佢對家實掂檔

肥菁罵人青根漲 石蛇摸頂最在行

四叔報紙日日唱 三萬三點冇誇張

賭王果面爆口嚮 睇到四萬好鬼狼

大專股神成偶像 師奶迫爆股票行

新股孖展借爆廠 升幅隻隻好理想

散戶個個心觀暢 追貨追足成份糧

調整只係當震倉 無人會選擇離場

牛市唔會無限長 細注玩下就無妨

經濟循環好正常 股災時刻要提防

辭工炒股唔好想 穩打穩紮為至上

隨時一個大跌浪 打回原形夢一場

(無師自通 原創 於2007年11月)