唱高開低

2015/06/19 08:57:40 網誌分類: 經濟

19 Jun

聯儲局宣布「緩進加息」的訊息開始發酵，美股杜指抽升180點，美元回落，商品上升。

聯儲局周三在議息會議後宣布維持利率不變，同時亦暗示，鑒於今年早些時候的經濟活動下滑風險已經減退，將在今年內開始加息，同時下調美國今年的GDP增長預測至1.8%到2%。而反映聯儲局委員對利率預期的「點陣圖」(Dot Plot）則表明，緊縮過程將非常緩慢，分析普遍認為加息步調可能比官員們之前預測的更為漸進。周三宣布當日資本市場對這一舉措作出回應，美股小幅上揚，美元匯率顯著下滑。

市場對聯儲局的鴿派言論，昨日繼續發酵，股票恐慌指標VIX指數昨日再跌9%至13.19的低水平，反映投資者對後市更顯樂觀，納指創新高，盤中及收市均創出歷史高位，升68點，收報5133點，升幅1.3%，比2000年3月科網狂潮所創的5132.5點，高出0.4點；杜指升180點，重上萬八點，收報18116點，標普500指數漲21點至2121點，漲幅同為1%。

反映科技股的走勢的納指自2000年科網股爆破後，等了15年再上新高，也可見美國放水潮的力度之大，可以推升科技股再創輝煌。

美國未來加息步伐較預期溫和，美元匯價繼續回落，兌6隻主要貨幣匯價的美匯指數跌穿94，兌歐元一度跌至1.14美元，兌日圓則跌穿123日圓水平。美元跌，大宗商品價格有支持，其中黃金重上每安士1200美上方，收1202美元。

另外，昨日出爐的美國經濟數據理想，亦支持了投資者關於聯儲局對經濟改善及逐步加息的觀點。美國勞工部昨日公布，最近一周首次申請失業金人數下降1.2萬人至26.7萬，低過市場預期的27.9萬，仍維持在15年低位附近。另外，5月消費者物價指數(CPI) 較上月上漲0.4%，創下2013年2月以來最大漲幅；製造業方面，數據亦頗為靚仔，6月費城聯儲制造業指數從5月的6.7大幅上升至15.2，創下自去年12月以來新高，且遠高過市場預期的9。

現時，聯儲局預計今年會有兩次加息。問題是，加息會在9月份還是10月份開始。據美國利率期貨交易顯示，市場如今認為美國在9月加息的機會是19%，10月加息的機會38%，12月加息機會56%。即係話，投資者開始覺得美國經濟狀況，未必頂得順今年內加兩次息。固然，如果未來的就業數據都會好似最近一、兩個月咁靚仔，令到聯儲局有信心在9月加息的話，年底可能再加一次，每次加0.25厘，兩次共0.5厘，若然數據差一點，可能只加一次就算，我有少少估聯儲局唱大開細，今年的確加息，但只加一次，以減少加息週期開始對股市的衝擊。

內地股市昨日跌獲得好甘，上證指數大跌183點至4785點，跌幅3.7%！主要原因係市場水緊影響，內地新一輪「打新盛宴」昨日進入高潮，11隻新股集體亮相發行，共計集資超過350億元。其中國泰君安集資金額高達300.58億元，創下2010年以來新高。分析估計呢幾日新股密集認購上市，股民大幅借錢認購，凍結的資金達到6萬億元，令到市場水緊。睇昨日大市成交，上海深圳兩市成交10357億元，非常奀咖，可見一斑。而滬市資金出現淨流出249.49億元，深市凈流出89.35億元。

昨日國務院總理李克強主持召開國務院常務會議時表示，決定進一步強化城鎮棚戶區和城鄉危房改造及配套基礎設施建設。建材股水泥股最近回落不少，例如金隅股份（2009）， AH股差價唔細，A股收人仔13.08元，H股7.87元，這個行業的股份還在尋底，若在旺市已可以借此消息炒作，如今可能有助築底。

陸羽仁

回應 (157)

我要發表

陸羽仁 2015/06/22 08:50:15 回覆

陸羽仁覆網友

Kimkimkimmy:近期香港的政治局勢，令我對深圳更有信心，你的604在4.1元買，不用沽，若插低啲隻股可以買。不能保證佢不會回深啲，但中線睇7.2倍PE派4.1厘息唔使太驚，佢批股集咗資炒作動力細咗，但資金實力強咗。

上海電器都OK，或者會回深少少，可等跌市低吸。

kingson123forever: 強股是基本因素較強，在未來一兩年的經濟狀況中，業績會有表現的股份，中國平安 (2318)當然係強股，去年11月減息時我已有叫大家留意平保這類內險股，做乜去年唔買要高追，不過以你倉位65%計，佢亦回了不少，不用沽。

農業銀行 (1288)係弱股，我亦一早講過，佢在工、建、中，農四大國有銀行中最弱，唔好掂佢，佢只係上市時造好盤數，無乜競爭力，要中國業務可以買工商、建設，要國際業務可買中行，買商業銀行可買招行，總之不用買農行。

于謙:上星期五,酷派集團(02369.HK)發盈警，預計今年首五個月經營溢利較2014年同期下跌約40%。然而，鑒於出售Coolpad E-Commerce Inc. 4.5%股本所得一次性收益(初步估計超過3億美元)，預計6月止上半年溢利將較2014年同期大幅增加。你問「這兩個消息一好一壞, 對股價有什麼影嚮?」

其實只得一個壞消息，因為出售資產得到收益已知道，頭五個月經營溢利比去年跌40%係新消息，佢比預期做得差，對股價有較大壓力，亦會令隻股轉弱，雖然炒浪再來時佢也會升，但好難像強股那種升法。

YukI:萬景控股呢類新股我唔識睇，建築股，規模細，集資額細，本來屬可以不留意之列，但現今世代好多人造隻殼出來買俾人，我唔知佢係唔係，所以估唔到。

大笨袋鼠:金融海嘯以來無主要負責人坐監，呢個總結實在太正，也可見美國呢個社會問責性強到一個地步，係無需要問責的。亦等如你唔跟炒你就笨。

2015/06/22 07:59:59 回覆

陸sir, 早晨。

之前見你有提到上海電氣，佢基本質素ok,我見佢已經回左升幅嘅50%，現價係米入得?

另外我之前係4.1蚊買左好多604，洗唔洗減倉，候低再買啊?

2015/06/22 07:34:26 回覆

dear luk sir,

想問吓你口中的強股，包唔包括中國平安 (2318)

同埋想問隻農業銀行 (1288) 係唔係弱股？佢冇郁過！

其實点分強股，弱股，我不是滿倉，大约 65%貨，現金剩30萬左右，

一半係持股係滬深300 (3188) 平均61蚊，其餘係騰訊 (162元) 及

平保 (最慘123元高追)！

我唔係借錢，可以坐貨的，但平保已差不多跌10% ，是否止蝕？

animal666 2015/06/22 06:22:01 回覆

A股弱H股強日子快到
2015年06月22日

　　上周五出現一個A股小股災，上證綜指跳崖式插水，暴跌6.4%，收4478點，即係一周內從高位5178點直插700點，高位回調13.5%，不少內地股民出現「滿倉踏空」之痛。

　　市場人士總結四大利淡因素，導致A股高位殺跌。首先，新股加速發行，特別是大股上市的抽血效應更加明顯。我上周講過上星期大量內地新股上市，估計凍資6萬億，個市就易跌難升；其次，監管機構嚴查「場外配資」入市，內地正式孖展借貸叫「融資」，場外孖展叫「配資」，可以借大到本金3、5倍甚至10倍去炒股。據不完全統計，如今內地場外配資資金規模起碼有5000億，阿爺出招查場外配資，是這一輪內地股市大調整的元兇。

　　嚴查配資跌市元兇

　　第三，隨着半年結快到，企業結算和銀行繳款等需求將在6月30日集中爆發，資金將會變得緊張，令入市者有戒心；最後，今年來內地股市升幅巨大，特別是創業板指最高漲幅達170%，泡沫味漸濃，上證綜指在3月再升穿3400點後，一直沒像樣的回調，今輪殺跌係久違了的調整，殺跌正正是釋放前期巨大漲幅累積風險的過程。

　　我話成件事係內地個市升得太急太快，阿爺要令佢合理回調。今年1月內地股市升到3400點左右，阿爺見個市升得咁癲，出招查證券行，搞到內地個市急回，之後股民大鬧政府，話政府干預股市。3月後內地股市連番急升，阿爺沒有再明顯出手，無人大力操控，內地個市就見好不收，一路向上，一直沒有像樣調整，4月尾和5月尾的兩次回調，分別只跌360點和330點，回調10%也不夠，每次調整三幾日又再急升破頂。大市由2月低位3075點，急抽到6月中高位5178點，短短四個多月升了68%，雖然我都係內地股市睇好派，都覺得咁短時間咁大升幅，並不健康。

　　阿爺想股市升，但係亦唔想股市癲，見內地股市大升特升時，即使唔出明招約束，都出暗招，例如放大量新股上市集資，增加供應，吸乾水源。又查非法孖展，煞停場外配資。搞得幾搞，個市就力盡下插。

　　A股回調撈底莫急

　　咁未來內地A股走勢又會點？我擔心今次會有較長調整，唔係好似過去跌一兩日就調整完。由於過去A股跌一兩日就升，今趟一跌有好多人去撈底。上周五香港比平日用多好多「滬港通」北向買股，另外滬深300指數上周五跌6%，但在港上市的滬深300指數基金如標智滬深300基金(2827) 只跌4.9%，安碩滬深300基金(2846) 只跌4.4%，跌幅比指數低，都見到有本地資金睇好內地股市撈底買貨，但要小心內地股市今趟無咁快調整完，太快去撈可能要捱價。

　　內地方正證券話，隨着市場持續調整，賺錢效應進一步減弱，蝕錢效應進一步增加，將導致市場供需失衡狀況加劇，上證綜指30日平均線可能難以起到有效支撐，此次市場的調整幅度和時間跨度，可能超過這一輪上升行情以來的數次調整。方正證券建議嚴格控制倉位，控風險，持倉較高者逢高堅決減持高價高估值股票。

　　健康調整還可下探

　　根據彭博數字，上證綜指在5000點以上的高位時，市盈率(PE)已有近25倍，雖然相距2007年高峰近50倍仍遠，不過深成指數的PE已高達54倍，超越2007年的高度，逼近09年逾60倍高位，深圳創業板PE更高達123倍的歷史最高水平，所以出現深度調整並不為過。若然你揸住成手深圳創業板的貴價股，𠵱家遇上大市初跌，當然係應該減倉而唔係撈底啦。

　　睇上證綜指，即使唔係以去年起步位2400點計，而係以今年2月的低位3075點計，升到6月中高位5178點，升咗2103點，𠵱家4478點，只係回調咗升幅的33%，回調幅度一啲都唔多。若然回調升幅的50%，也要回到4126點，我覺得較有機會是出現這種深度的調整(按高位回調20%計，也可以回到4142點)。

　　若然回調升幅的67%，就要回到3768點，雖然機會較細，但亦不可不防。內地股市即使只係健康調整，唔係爆泡，都還有下探的水位，未來先要看近6月底半年結內地上海銀行同業拆息進一步扯高時，守唔守到4100點呢個位。

　　中港兩地深度價差

　　內地A股唔掂，卻唔代表香港H股好差。正好相反，我估未來有一段日子會世界輪流轉，出現A股弱H股強的狀況，雖然不至於內地跌香港升，但香港不一定會跟內地跌，主要有兩大原因，第一是聯儲局加息和香港否決政改的負面消息已釋放消化，第二是中港兩地股價價差好大。

　　價差問題值得關注。我早一個星期已經講過，部份內地基金在上證綜指5000點樓上沽貨走資到港股，因為他們覺得內地股票貴、香港股票便宜。深圳市摩銀投資董事長李偉斌就估計，這次的A股回落幅度將很大，時間有點長，後市將維持一個大箱型整理，從A股流出的資金很有可能進入宇宙估值最低的港股市場進行炒作套利。

　　形容港股為「宇宙估值最低」都相當趣。李偉斌話，「白菜價的金蝶軟件、中國軟件國際等等僅僅是A股市場同類公司股價的十分之一，配合中央政府奪取港股定價權的戰略，也算是愛國之舉了。」

　　炒股講到咁政治化，陸羽仁唔係好識，不過佢講到兩地股價差距，卻值得注意。金蝶(268) 上周五跌2.7%，收5.09元，市盈率53倍﹔中國軟件(354) 上周五跌4.5%，收4.71元，市盈率35倍。

　　以在內地上市的同業巨頭用友網絡(600588)為例，佢去年盈利市盈率是116倍，由於用友是市值762億人民幣的大型軟件服務商股，在內地市盈率已較低，中小型股市盈率更高。好似147億港元的金蝶和96億港元的中國軟件呢類中型公司，在內地百幾二百倍市盈率唔出奇，所以話香港上市軟件公司股價只是內地十分之一或者有點誇張，但係只有內地同類公司股價二分一至四分一就一啲都唔出奇。

　　講開又講，金蝶和中國軟件本身質素唔錯，只係早前跟內地升得好急，有啲貴。佢哋都屬於強股，在跌浪中回調幅度唔算深，不排除未來仲可以跌多少少。

　　金蝶中軟內地睇好

　　有人問我跌市買乜好，我就話低吸強股，唔好低吸弱股，有啲弱股跌到散晒，好明顯大戶的炒作資金走清，變成散戶自己同自己玩，蟹貨好多，即使大市過一頭半個月調整完再向上，大戶炒作資金都未必會再炒那些弱股，因為它們段段有蟹貨，比較難炒，一炒上去，又有好多人出貨，資金都會避開這些股份。宜放棄弱股，留意強股回調狀況，分段候低吸納。

　　陸羽仁

2015/06/22 01:11:13 回覆

金融海嘯，未見過有一個華爾街賓架坐監… (有都肯定唔係賊頭)

"If cheats are allowed to prosper, it forces everyone else into a downward spiral to the bottom," he said. "You can't successfully compete against cheaters who are not held to account. It is mathematically impossible."

Mangan (retired stockbroker) suspects the finance industry is dominated by psychopaths and sociopaths. "By that I mean people who have zero empathy for anyone but themselves.

"If you have a pathological inability to see the harm you are causing, a pathological inability to relate to your victims as anything but marks, you're not going to change your behaviour unless some serious sanctions can be brought to bear on you. By serious I mean jail time.

2015/06/21 23:41:16 回覆

陸sir:

上星期五,酷派集團(02369.HK)發盈警，預計今年首五個月經營溢利較2014年同期下跌約40%。然而，鑒於出售Coolpad E-Commerce Inc. 4.5%股本所得一次性收益(初步估計超過3億美元)，預計6月止上半年溢利將較2014年同期大幅增加。

想問下這兩個消息一好一壞, 對股價有什麼影嚮?

謝謝回覆

KFC 2015/06/20 11:11:30 回覆

A股小股災外資湧入撈底

滬股通使用通車首日以來最多

【明報專訊】A股昨日暴挫6.4%，上證指數收報4478點，收近一個月新低。本周累跌13.32%，創近7年最大單周跌幅。A股小股災卻吸77.3億元(人民幣，下同)資金經滬港通淨流入A股「撈底」，創下滬港通開通首日以來最高紀錄。再看滬深兩市融資餘額，截至周四，仍逐日增加，絲毫不受跌市影響。但本報訪問多名本地基金經理，普遍看法是A股還未跌完。

4月以來，A股出現3次較大調整，4月27日到5月7日，跌幅逾9%；5月27日到6月2日，跌幅近7%；最大跌幅則是本周由5166點回調至4478點，跌幅13%。回望2007年A股牛市期間，上證指數在當年6月和7月出現過兩次較大回調，每次回調幅度均超過15%。

調整幅度接近2007年牛市期間

昨日滬深兩市過千股跌停，市場擔憂孖展平倉，導致融資餘額減少，再拖累後市續跌。不過根據滬深兩地交易所的數據，截至18日的過去兩周內，兩地融資餘額每日均增長，18日兩市融資餘額共2.26萬億元，創下新高。昨日滬指報4478.36點，跌306.99點或6.42%；深成指跌6.03%；創業板跌5.41%。大跌市未見有資金大舉承接，兩市成交額僅1.287萬億元。

境外資金急於在A股撈底，昨日滬股通買入額113.1億元，賣出35.8億元，資金淨流入A股77.3億元。但本報訪問多間基金，並無基金昨日買貨。

中環資產投資CAI行政總裁譚新強認為，A股調整未完結，A股累計可回調20%(即跌至4100點附近)。他在北京出差得到的消息是中央希望股市調整，「不會托市」，他不相信央行會立刻降息降準。他認為此輪跌市可怕之處是並無明確原因。他收到消息指期指結算之前，「有國家隊出貨套現」。他認為相對而言，上海比深圳更值得擔憂，因為深圳的「新經濟」貴得有道理，有資金追捧；但上海依靠概念炒作的一帶一路股或者混改股，估值遠遠貴過世界其他股市。他相信深港通將比滬港通更有利於推動香港股市上升，此輪A股跌勢當中，AH股的溢價可能會縮窄。

基金經理昨天均未入貨

景順(香港)首席投資總監陳柏鉅則認為，旗下基金的原則是「買平嘢」，除非A股比H股便宜，否則不會出手。他又指央行不應「被市場牽着鼻子走」，不該一跌就出招，而應當嚴控孖展，現在內地中小股的融資已經「亂晒龍」。

東翼基金管理董事總經理龐寶林則指出，昨日A股跌至4400點，已是第一注買入時機，不過「自己貪心」，想等跌多點再買貨。「今次好忍手，睇定先」，但他指若周末政府出招，下周只能買貴嘢。留意下周一A股為假期休市。

2015/06/20 10:14:43 回覆

大家端午節快樂 ${#icono_23}$

2015/06/20 09:54:18 回覆

各位端午節快樂呀~ ${#iconb_62}$

2015/06/20 09:48:41 回覆

陸Sir：

謝謝您寫咗成篇文覆我及一眾有關網友，端午節快樂！

另外，您點睇萬景控股(2193)呢隻新股？

2015/06/20 08:42:16 回覆

早曬，咁多位c兄c姐，端午節快樂!

小貓兄，謝謝平日無私分享，我明白市場有向下既風險，尤其見上証跌幅咁大都咪話唔驚，但見港女防守力都唔錯，所以先決定買入。

而且，我地都係中長線投資者，雖然現價入唔會係最低價，但如未來好似陸老師咁講會炒多轉，相信都會有少少斬獲。

2015/06/20 01:05:19 回覆

嗨~! ${#iconb_62}$

TC兄,動物兄,馬仔姐,Almodovar~

大家咁勤力研究股市呀?

端午節快樂~ ${#iconb_270}$

2015/06/20 00:42:40 回覆

Almodovar兄：我用證券行無問題，就算SET唔到都可以諗定咩價做買賣，好過突然先諗。

幪面馬仔 2015/06/20 00:28:40 回覆

動物 oh.......don't punish me ah ${#iconb_65}$

2015/06/20 00:21:02 回覆

TC兄，我用中銀，set價唔可以set得差太遠，你用既都係咁嘛?

animal666 2015/06/20 00:21:00 回覆

Bro.幪面馬仔...

It is because i have sold HSI futures...

Normally HSI futures will collapse following A-shares next week...

Monday is CHina Holiday... it is good time to kill the bulls...

SIGH...

animal666 2015/06/20 00:18:34 回覆

You will ask FOMC is solely responsible for monetary policy...

But you can also see Yellen blowjob to iBankers...

SIGH...

animal666 2015/06/20 00:17:31 回覆

Who are still believing US FOMC will increase interest rate???
Just thinking of yourself... will you be so BAN7 to pay more interest for your loan???

SIGH...

幪面馬仔 2015/06/20 00:11:49 回覆

動物你做咩笑成咁嘅 ${#iconb_267}$

2015/06/20 00:08:06 回覆

淡淡定兄,

多謝您重視小貓的個人分析,

但要特別提醒您,小貓只是一個初級小散戶,

對股市的觸覺敏銳,無法與TC兄,動物兄,子龍兄,小峰兄等等,佢地比。

所以您看小貓的分析時,一定要覺得有道理,才用作投資參考,

千萬別輕信小貓的股市隨筆。

話時話,昨天和今天的恒指都明顯比內地堅挺,

本來小貓最擔心係上證同深創大調整,

以過去港股跟跌唔跟升的習慣,內地跌咁多,

小貓本來以為港股都係危過危地馬拉,

點知內地呢兩日指數都跌10~12%,香港竟然好多H股無跌仲有得升,

真係好强勁,所以後市不宜睇得過淡。

(當然啦~港股可能係抽高,引牛吃草,然後假期後再大屠殺也是有可能的)

上證為何要在5.29的低位收盤?真係準過奧運選手~!

呢個位,要插,就破位;要上就雙底,

因此節日後,上證隨時反彈,也可能破位向下,創牛市以來最深度調整。

但我和您都是長線投資者,不是賭徒,物有所值,相對低位,就值得入貨,

再深的調整,這些額外利潤,由那些有勇氣,有膽量,有運氣的師兄姐賺吧~

小貓說得對嗎?祝龍舟節快樂~ ${#iconb_21}$

animal666 2015/06/20 00:01:08 回覆

${#iconb_623}$ ${#iconb_624}$

2015/06/19 23:24:49 回覆

馬仔幅圖好正，夏日綿綿正好眠；晚安

幪面馬仔 2015/06/19 21:58:55 回覆

good weekend的圖片搜尋結果

2015/06/19 20:22:38 回覆

我係對住電腦做野，所以方便睇市同係到吹水～

2015/06/19 20:18:52 回覆

淡淡定兄：我係每日set定，返工多數睇但唔會改。

2015/06/19 20:17:21 回覆

主席，請教你，你係每日set定入貨價定會再睇市況即時入貨?

2015/06/19 19:45:53 回覆

淡淡定兄：明白了，咁你要放工睇定啲股票，返工專心做野。其實我都係放工睇定 :)，牛奶輝好彩炸～haha

2015/06/19 19:39:41 回覆

主席，我做admin，人地office日日準時，我部門就日日ot,真係身心疲累，想係股市搵下快錢都好難!

主席睇股眼光好，又夠快，小弟佩服!

animal666 2015/06/19 19:22:34 回覆

中原城市領先指數 CCL

日期 Date	中原城市領先指數 CCL (所有成份屋苑)
2015/06/08 - 2015/06/14	142.26
2015/06/01 - 2015/06/07	143.31
2015/05/25 - 2015/05/31	141.96
2015/05/18 - 2015/05/24	140.33
2015/05/11 - 2015/05/17	141.30
2015/05/04 - 2015/05/10	141.37
2015/04/27 - 2015/05/03	141.46
2015/04/20 - 2015/04/26	141.22
2015/04/13 - 2015/04/19	140.04
2015/04/06 - 2015/04/12	141.60
2015/03/30 - 2015/04/05	142.36