趕鴨仔
美國7月ADP私營行業就業人數增加18.5萬人，低過市場預期的21.5萬以及上月終值數字的22.9萬，市場據此推算，週五公佈的7月非農就業會係21.5萬，將係今年1月份以來最少，反映美國勞動市場增長放緩。報告令市場對於聯儲局提早加息的預期降低。
另外，雖然亞特蘭聯儲主席洛克哈特(Dennis Lockhart) 上日表示，當局已經唔可以唔採取行動，但聯儲局理事鮑威爾昨日則表示，是否會在9月份加息，仍未有決定。由於ADP就業報告，與非農就業報告，未必有好大關聯，而非農業就業人數係聯儲局9月開會前主要審視的最重要的一份經濟數據，對當局是否於9月加息，極有啟示性，所以投資者都在等待數據的出爐，投資態度謹慎。
股市恐懼指標VIX指數維持在低位徘徊，美股亦沒有方向，繼續發呆。杜指微跌10點，收報17540點；標普500指數微升7點，收報2,100點，納指表現較好，升34點至5140點。
內地昨日公佈的服務業數據理想，財新中國7月服務業PMI由51.8，急彈至53.8，創11個月新高。內地經濟好轉，帶動區內股市普遍造好，但正主兒內地股市卻逆勢下跌，上證綜指回落1.7%至3694點，兩市成交略增至9600億元。估計係上日跌升3.7%之後嘅回吐，亦反映出內地投資者對後市信心未完全恢復，股市表現好似趕鴨仔咁，阿爺出台新招，喝一聲，鴨仔走兩步，唔出招，無出聲，鴨仔就走番轉頭。港股則繼續與內地背馳，上日內地升，港股跌，昨日內地跌，港股反而向上，恆指升0.4%至24514點，國指亦漲0.5%。呢個都可以話係港股自由行囉。
內地股市近期比較反覆，大體仍然向上，由7月8日的最低3507點計，反彈了5.3%，而恆指同期升了4.2%，紅籌指數更有7.2%的漲幅。反觀國企指數，卻仍在原地踏步，明顯落後。由於港股市場是以國際資金為主導，反映國際投資者對於中國經濟、社會和中國企業經營穩定性仍有戒心，導致他們更傾向於投資本地企業，以至採取國際通用架構的紅籌股公司，而不願意投資採用國內公司架構的H股，估計短期內這一狀況仍將持續。
不過，儘管如此，H股作為長期價值投資標的仍然具有明顯的投資優勢。AH股溢價指數收於136.71，較前一個交易日降低2.5%，較7月9日的高點降低8.6%，但仍處於歷史高位水準。
也有分析指出，相對於恒生指數，國企指數估值波動更大。同樣是國際投資者，對中國經濟、社會的疏遠導致他們在悲觀的時候極度悲觀，狂熱的時候又極度狂熱，造成國指估值波幅很大，帶來的低買高賣的機會更多。不過總體而言，由於國指比內地指數明顯低水低PE，所以長線投資風險亦較低。
陸羽仁
陸老師︰
謝謝老師指教。
66和902其實儲倉多年，主要用黎收息，早前兩隻上了高位都冇沽，現在跌下來了才有點猶豫。現在聽了老師意見，我會擇時而沽的。
陸羽仁覆網友
Ccb:我在專欄提到港鐵未來可能受延誤影響，這主要影響中短期市場印象。月供睇長，長線應睇港鐵半隻公用半隻地產股。佢走勢比地產股強，既受惠於樓價高，亦受惠於電價等成本較便宜，最近中電的電費回贈，佢亦受惠。
但睇得更長，長線反而有少少擔心地產的部份，若想沽可以等中期業績出完，或者9月股價好一點時減持。不過要小心若大市好轉，佢可以反覆上番38元的水位，轉咗405可能短期跑輸，要預咗才好轉。
902華能國電跟大市反覆尋吓底，若入貨價是7元，可以守吓，等高啲才離場，不用在低價離場。
2015年08月07日 (09:05 AM)
最近同朋友食飯，都有唔少人都在哭股喪，高追咗依家坐緊艇。 唔同人講高追價位都唔同，有啲人真係好高，差唔多在4月在52周 高位時追貨，我就話呢啲比較難救，但亦有唔少人係在6月底、7月 前暴跌之初買貨，都係中等價位，呢啲容易救啲，守吓有機會。
我見大家咁垂頭喪氣，就話：你哋咁慘，睇得咁淡， 或者都係一個逆向指標，顯示出個市現在比較差， 依家唔係沽貨的時候。朋友問我有乜嘢建議，我就話「無貨儲貨， 有貨坐吓」，意思係你手上貨好少現金好多， 可以慢慢見股票低時買番啲貨，但如果成手貨就唔好買咁多， 但依家亦唔係沽貨時候。
今年4月係異乎尋常的升市，唔好期望啲種升市會重新復見， 未來有升市都係普通啲的升市。一般而言， 在市升時大家都比較樂觀，睇得好好，想去買嘢， 通常升開短時間都會繼續升，好似好啱，但升一段又回頭， 高追會中招。
掉番轉頭在另一啲時候，有少少似依家咁，大家就好悲觀， 想去沽貨，想離開呢個熱廚房，想將股票沽清走晒， 脫離呢種痛苦的感覺。正正好多人係咁，最手震的一批都已經走咗， 個市慢慢會定番啲。依家反而唔係沽貨的時候，股票巴菲特講， 在別人貪婪時候恐惧，在別人恐惧時貪婪，就係咁的意思。
我哋睇番恒指今年的高位，28588點，跟住一棍隊落嚟， 隊到得低位22836幾點，依家彈番上去之後，又再回吐， 二次探底，今日收24375點。我估呢次插穿低位的機會唔大，在 8月呢個時候，成交又細，都仲會反覆尋吓底。 外圍美國有加息的陰影，而大陸的股市亦都在災後重建過程當中， 新加坡富時A50指數仲有大量8月淡倉未平， 所以內地股市亦唔係咁一帆風順，在無乜好消息下， 港股只能反覆上落。
而且內地股市亦在一個去槓桿化的過程，大量減少股市孖展融資， 所以內地股市成交會愈來愈少，亦都影響香港，你睇香港依家去番6 00幾億成交，同高峰2000億以上的成交，差咗好遠， 在低成交的時候，股票陰陰地向下，所以8月可能係挨打的時候。
但係挨打的時候，大家心情好差，有股票想沽，唔想睇， 呢啲係貨少者趁低吸納的時候， 貨多者唔買亦唔使將手上的股票清倉。否則調番轉頭， 到個股市好番啲，到時又急急腳想買， 咁又變成一個低沽高揸的典型散戶啦。不如淡定有錢剩啦。
陸羽仁
菜鳥兄: 子龍以為5萬億太少, 最好可以去到20萬億, 然后學香港發行盈富基金, 咁就可以平衡股市風險呢.
阿爺高開，起錨！！！
（吾好一野就死。。。。）
謝謝小貓兄，其實大家按入去聽都好方便！太辛苦小貓兄了！
《彭博》昨晚引述消息報道，中國證券金融公司（中證金）正在尋求額外2萬億元（人民幣．下同）資金救市，阻止股市暴瀉，加上早前已籌集的2.5萬至3萬億元資金，已達5萬億元。
阿爺真係想買起股市！？
謝謝小貓！
熱定身迎接股災
xN where N is (1 Jan 2018 - 7 Aug 2015)...
SIGH...
噢...我們要留意PE的E是過去一年的earnings, 今年的earnings未知. 但大市的PE很受制騰訊, 五爺, 內銀, 內險, 三桶油. 相信除了三桶油, 其他的唔應該有太大的下跌, 即是今年的earnings可能維持到, 甚至有驚喜呢. 結論是大市要大插, 就必須要有--->黑天鵝. 即是不關earnings, 可能是一些大家都忽略了的因素, 例如.....
世上從來都無10倍PE樓下的股災《《如果公司由賺變蝕，就唔係10倍PE了....
陸老師：您好！很榮幸有機會在書展時親身向您請教。今天看老師的頭條專欄提到港鐵未來可能受延誤影響，我手上若有長期月供的港鐵，平均價在28元左右，現價應否全數沽出轉405？還是應該等港鐵宣布中期業績前炒高才沽？另外，昨天902華能國電跌了不少，我有7元左右的貨，是否應計數離場了？謝謝指教。
//
世上從來都無10倍PE樓下的股災。
//
History may not 100% replicate...
Traditional wisdom does not always work...
SIGH...
財技唔易玩
2015年08月07日
美國聯儲局官員打開口牌，認為九月份加息條件成熟。在息口待變同內地A股浮沉下，投資者好多抱住少做少錯心理，靜待局勢發展，呢啲時間係考驗股民耐性的時間。
股市一年開二百幾日，但唔會日日熱火朝天。今年第二季個市咁旺，依家有啲一節淡三墟感覺。藍籌股唔多郁之餘，一度活躍搶晒鏡的概念股，好多都靜咗落嚟。
好似因為馬雲入股的瑞東集團(376)
呢排就炒風收斂。昨日佢公佈截止6月30日止6個月業績，半年營業額錄得1.22億元，按年大增加245%。但半年虧損卻由上年同期4305萬元，擴至5218萬元，每股虧損11.45仙。期內來自金融資產綜合其他虧損淨額，由2014年的1390萬元，增至4800萬元，反映股票持倉公平值虧損，導致集團中期虧損擴大，好明顯公司都因為個市急插損咗手。
瑞東投資帳面損手
瑞東半年營業額大增至1.22億元，增長主要來自顧問及諮詢服務，有關收入約1.124億元，佔期內總收益達92%；證券經紀收入則約為910萬元，佔期內總收益的比例，由2014年的21%縮至7%，傳統業務睇嚟應該受惠於股市暢旺，出現虧損主要同投資有關。
瑞東解釋，業績見紅主要由於按市值計算錄得中期未變現虧損。投資組合中最大部份持倉的公平市值跌幅超過40%，有關金融資產虧損主要來自年中內地股市大幅急瀉，從高位跌逾三成。不過，管理層認為中國基本面未有轉差，內地再次暫停招股上市，將對香港在接納公司上市方面會發揮更大作用，意味着市場會營造不少新機遇，公司因而會觀望靜候適當時機再進場。
瑞東今年6月引入馬雲為股東，市場憧憬公司會獲注資，股價因而爆升，所以中期業績賺蝕幾千萬，嚴格而言並唔重要。不過，瑞東老闆本身係財技高手，都話諗唔到大陸市況急跌，可見市場風雲變幻真係好難估，財技唔易玩。整個變身過程中，暫時最醒目係趁復牌初期股價暴漲時，沽貨套現咗兩億元的先豐服務(500)
，至於高位追入的股民，依家唯有耐心等待，睇吓公司幾時有動作嘞。瑞東在宣佈馬雲入股後最高去到25元，昨日升3.4%亦只係得13.42元，比高位差不多唔見咗一半。
大市方面，港股缺乏買盤支持下，大部份時間在24400點附近徘徊。恒生指數收造24375點，跌138點；國企指數收報11093點，跌32點，成交減至673億元。
瑞信報告鋤低騰訊
無重大消息下，個股跟隨大行報告上落。瑞信降騰訊(700)
目標價至180元，全日跌1.1%，造140.9元，質低恒指25點。港股成交奀，港交所(388) 
跌0.7%，造205.2元；前日被摩根大通降目標價的利豐(494) 
進一步下滑，為表現最差藍籌股，造5.47元，挫4.2%。野村升港鐵(066) 
目標價5%，因料中期業績表現省鏡，收造35.25元，漲1.73%，為表現最佳藍籌，不過，港鐵受工程延誤影響，升勢唔知可唔可以持續。
收市後，電盈(008)
公佈截至6月底止中期業績，核心EBITDA(未計利息、稅項、折舊和攤銷前利潤)增加30%至57.84億元，反映於2014年5月完成收購CSL後成功整合業務，而電訊及媒體業務EBITDA有增長，媒體業務收益由去年14.87億元增加7%至15.9億元，EBITDA升1%至1.82億元，收益增長受惠於核心收費電視業務收益及OTT等新業務發展收益上升。電盈條電視數砌得幾靚，相比之下，有線寬頻(1097) 
中期虧損擴大到1.21億，當中收費電視的EBITDA去年賺7100萬，到今年上半年蝕2700萬，條數又肉酸好多。
陸羽仁
小貓：Thank you very much!!!
2015-08-06
Dow Jones Industrial Average (^DJI)
17,419.75
120.72(0.69%) 4:31PM EDT
以下是陸SIR前晚在E線金融網接受的訪問筆錄:
http://programme.rthk.org.hk/channel/radio/programme.php?name=pth/ezone&d=2015-08-05&p=795&e=318057&m=episode
陸羽仁:9月才會有轉機?
主持:馬幣跌到97年後的低位,會唔會亞洲金融風暴先兆?
陸SIR:
有D事情有相關性的,有D事情係有特殊性的。
先講特殊性,油價下跌其中一部份原因,係伊朗核談判和西方達成協議,解除禁運,重新供應原油。
由原本估計今年內50萬桶/日,到現在可能第二個月就可以提升至100萬桶/日。
供應量比想像中多,油價就係50元再急插落黎45美元水平。
但油價跌,商品跌,亞洲貨幣及好多非美元貨幣跌,其實有一個共通的背景--美金向上。
美元向上,係同美國先收水,停止QE,極可能在今年開始加息有關係。
依家問題係美元呢一浪係連續不斷向上?定係加息兌現後,美元升勢會停一停,曾至回落返D呢?
這是比較難估的。
但如果見到美金反覆向上,美元指數升穿100,甚至去到110~120,升多20%的水平,咁的確好危險。
因為從來香港或亞洲的股災,係同美元的强勢好有關係。
猶幸係明年美國既總統選舉,共和黨都比較大機會上返台。
共和黨上台,就對美元的走勢不利;民主在位,就對美元走勢有利。
因為共和黨比較窮兵黷武,四圍出兵;民主黨,如奧巴馬向阿富汗、伊朗都係一路收兵的,
收兵,美國的赤字無咁多,對美元的强勢好有幫助。
提醒返大家的記憶,九七~九八年亞洲金融風暴其實同美元的强勢都好有關係,
克林頓向九三年上台,就一路減開支,令美國曾經出現無財赤,財政打平既。
美元就一路强勢啦,我地先經歷九七~九八年的跌,跟住政府入市干預。
由17000點隊到落5800,跟住科網狂潮2000年再升返去17000點,跟住第二波再插落黎。
個時同美元强勢好有關係。
唔好介意講得太宏觀,我地係要睇住(美元走勢)。
問我感覺,我覺得係"不確定"。
我估第一波股災或大跌市未咁快黎,黎唔黎係睇美元有幾强。
美元指數由97,98水平,升穿100,再升到110~120,咁就幾大機會黎(股災)。
要係現在這個高位再升20%,暫時離120係比較遠的。
感覺如果話呢一刻風暴要黎,或睇馬幣跌到97年的低位,風暴就已經黎左,又言之過早。
美元比較强,好多貨幣比較弱。
但係亞洲弱係有特別原因,特別係馬來西亞首相有貪腐醜聞,內閣自己也有矛盾,令到馬幣特別弱。
如果抽走呢個因素(馬幣),亞洲貨幣係弱,但未去到97年的水平。
如果全線亞洲貨幣都弱到97年的水平,可能要比現在再跌多5~10%。
即係美元再上多10%以上,美元指數去到107~110的水平。個災味就會比較濃。
但係,依家同97年亦有另一個分別。
個時亞洲(風暴)之前(經濟)係好熱呀,例如泰國借好多外債,有個債務錯配。
而亞洲呢幾年都唔熱,自從美國量寛之後,錢係一直撤出新興市場,
除左房地產外,泡沫唔係太大,係相對好少少的因素。
總而言之,睇住美元,美元太强唔係好事黎既。
內地短線低位係見左啦,國內股市個沉底情況無香港咁明顯。
特別睇國指,第二浪沉底個狀況好明顯既。
固然同國指的構成好有關係:內銀,三桶油佔的比重好大。三桶油相當弱。
國內暫時仲係拖住香港的一個因素,唔係講個指數,指數回到36XX仲係相對比較高,
大約咁計,以國指依家個水平只係等於上證三千點左右而已。
香港係跌得比較多,主要係外資,特別係經過之前個浪,
比較係唔睇好香港既中國股票了。
但到近期跌得比較多之後,比較多外資出黎唱好啦,
整體8月係股災之後,整體攻防戰第二個仲係打緊仗的月份,
戰情上風已經去返管理層一方,
但外圍,新加坡仲有咁多未平倉合約,即係(場仗)仲係要打。
但8月4日出個招"沽空變T+1交收",其實有好大幫助的。
先唔好理指數升跌,呢兩日成交持續萎縮,係同減槓桿、減配資、限沽空係有關係。
T+0交收,同一筆錢一日內係可以沽十隻股票,沽到跌停又轉下一隻。
T+1交收,同一筆錢就只能做一次,沽贏10%,第二日先收到錢。
同一筆錢就不再可能同一日不停沽空。
呢個措施針對沽空係比較到位的。但也同時令到交投進一步萎縮。
融資融券都係擴大交投的,現在兩融都分別受到打擊,交投就會萎縮。
中央在這過程中,緊密護市,係想慢慢減少衝擊。
我覺得都係會波動。但去到咁上下位,又要抬返起。
大陸經濟從來都係有問題,但從經濟面,係唔係會暴跌呢?又不至於係。
從經濟面看,係溫和地改善少少。
前題係中央放水,減息降準。
中央應該仲有,特別係降準的空間,只要能繼續,經濟係會有改善。
所以唔係經濟爆煲的問題,係管理股市上升,管理得唔好的問題。
如果形容為技術性問題,咁我覺得係一個嚴重的技術性問題。
因為覺得有D外資的評價,唔係太過唔公平的。
"本來覺得中央操控股市,操控經濟係好得心應手架嘛。
點解會攪到有D混亂呢?場外融資攪到咁失控呢?"
固然依家開始控制返7~8成,但這個失控會令外界對中央的調控能力失去信心。
這個失去信心,也會約束下一階段,個市好返向上的升幅。
我對前景又不會太悲觀。
合理估計,今年美國如果係加息一次,美元會再升D,但不會升太多(如果逼我估)。
關鍵係美國陸續加息時,美元是否走强,可能係明年的事。
睇股市,有長線,也有中短線。(2017年爆煲的可能性就唔細)
但以中短線講,美元上升壓力係有,但唔係咁大。
調返轉頭,大家預期會加息,但加完,市場反應比較溫和的,咁我覺得,外圍風險不是短線。
今年未來三四季,特別第四季,壓力暫時未係咁大。
國內呢輪暴跌,依家二次探底之後,如果個市慢慢定返,我覺得個市會改善返既。
所以短線唔係咁負面。
------
問:中年有工作的散戶在現時應如何做資產配置?
答:建議經過上次小股災之後,大家應該對股市審慎D。
意思係中年人原本股市配置係5成至7成的,我覺得唔駛7成,5成就夠了。
這一定程度,係因為中國股的風險而調節的。
CASH比例,如果退休的,我覺得不要多過50%了,
中年,舉例仲有十年做野,我覺得可以配置到CASH有30%。
IBOND,各類存款,短期債券都算CASH,但長期債券都會下跌的。
有些股票,舉例405穩陣D係接近債券的。
問:2822,2828係唔係時候買入?
答:2822,2828兩隻唔同,一隻A股,一隻H股。
2828就低過2822的,2828在這個位,有D閒錢睇幾個月,應該OK既。
但經過上次股災之後,覺得睇所有股票都唔不要好似4月睇得咁樂觀。
應該以"全年有2成回報就很好"的態度,而不是一個月升2成,2個月升4成。
指數股的風險雖然有,但相對有限的,特別2828比較低,依家買一部份都OK既。
呢個月覺得仲係波動,可以搏佢可以插低D。
我從來都唔接受溝淡的慨念,唔好因為輸左而買多D。
但如果當無買過,2822依家個位又唔係咁貴,依家二次探底照計買少少都OK。
1.唔好搏命 2.短期波幅,預佢仲會向下
兩隻比較,2828仲平D,所以2828會好少少。
但大家唔好忘記,三桶油都佔當中的唔少成份,這三桶油係拖住指數相當重要的部份。
問:點評一下2202,點樣睇內房
答:萬科18元邊可以買下,近排去到18.1~2的水平。
上一浪和688比較,無688咁多,固然因為PE高些,有10.5倍PE。
688個PE低D,但萬料個位置又强過688,所以萬科和688係可以走下波幅的,
我覺得會係18~20 10%左右的波幅震動。
問:175吉利汽車 3.26買,能回家鄉嗎?
答:現價3.21和3.26差距不大的,上返機會都不小。
但整個汽車行業在國內比較低迷。
上一波股災低位是3元,現價3.21距離股災低位好接近。
我覺得汽車股下半年都係弱勢股。
雖然吉利算係汽車股中比較好,但成個板塊係一個弱勢板塊。
但小心8月19日公佈業績,可能業績都麻麻地。
問:後市是否睇得好淡,應靜待大市出第二隻腳?
答:覺得睇三個月的中線,唔覺得係呢個時候睇得好淡。
現在已經出緊第二隻腳,試緊底的水平。
街外個個都睇得好淡,成交又少,今日691億(8.5周三)都好差了。
呢D咁既時候,反而係可以睇返好少少。
但佢一彈10%~20%的時候,再睇淡都未遲。
問:8月份有機會抬頭翻身嗎?
答:估8月仲係比較差,試下底的月份。應該去到9月會好D。
問:哪個位可以買1299友邦?
答:1299一直有D橫行上落的感覺,現價或低少少都可以,但不要期望佢會好激動囉(個價)。
因為友邦好多資產都係美加的資產,而美加的資產在加息前都比較呆滯。如果是投資的,呢個價位等佢回深D會好D。
問:現在市況,中資銀行息率不錯,可以用來避險呢?十月的十三五,內銀會否有機會抽升呢?
答:上周五公佈了互聯網,網購支付咨詢文件後,我覺得內銀係可以睇返好少少的。
因為內銀之前的弱勢,係因為減息,利息慢慢自由化,息差會收窄。
另一個大威脅,係支付寶這類網上支付系統會搶生意,
現在限制每天交易上限5000,一年上限20萬,對內銀的威脅減少。
以建行為例,息率6.25%,覺得都可以買入。但要預有少少可能仲會回返D。
都係嗰句，而家月頭咁插 (美股)，希望八月中旬會彈吓啦。
到時係瘋牛頭盤、鹹魚市、定係逃生門，自己執生…
1樓跌死...的確係有可能
所以我依家都有D現金~等緊右腳伸出來,
不過我係搏佢跌深D落地庫訓身買的...
P.S.
幅標500圖又真係幾似樣....唯有期望中國股市唔係咁
小貓兄，袋鼠都本來係預備大牛三，但俾馬仔提醒完數浪，覺得唔對路。
至於所謂大牛三，人哋老美都牛咗七年，要牛三都可以牛完了。
而且過去七年(美國)牛市，應該係 cyclical bull in a secular bear.
搜集資料時揾到呢篇，張圖舊咗啲，但係幾巧合。
Are We Repeating The Secular Bear Market Of The 70's?
另外，雖然2014至今，S&P500再升多200幾點，但睇佢形容。
不過這是美國圖，中國張圖可能唔同睇法，但只可以講，阿爺好多搔頭嘢要煩。
至於PE，要小心個E係可以隨環境劇變，個P唔跟就有個好唔同嘅PE。
IFC頂樓跳樓會死人，但1樓跳落嚟都可以有好多種死法…
就算變得無以前咁靚,都唔駛蒙面唔見得人架~
OK，醒起嘞，一身SM女王裝扮嘅女魔頭，小雙俠真人版2009
戴咗面具，認唔到人。
係呀~佢就係深田恭子~
(小貓妻子都同佢以前有60%似
--包括BABYFAT)
以前小貓仲有一位好鐘意,係酒井法子~唉~過去啦~
--------
小貓好認同股災就快要出現,但小貓深信真正大熊市之前,必須有真正的大牛三,
因為大戶都要走佬啦~唔會同散戶一齊蟹十年,
世上從來都無10倍PE樓下的股災。
獸人，2018年仲有三年，咁早熱身，會唔會中暑？
小貓兄，個名好有印象，但同你而家講嘅，應該唔係同一個人。
因為袋鼠記得有個死鬼老友 (剛剛上月送咗佢最後一程… 真係佢同我都擇正吉日…唉)，當年80年代移民，佢寄咗一張和服寫真 (成人祭那種格式) 明信片俾袋鼠，話條菜好正，有好嘢要益老友。如果無記錯，個名都好似係叫深田恭子。
你位靚女，好似係80後？
我同袋鼠靚靚，本來幾鍾意 凌瀨遙，但而家佢瘦得過了少少火，有啲位影得有點骨感。不過你掟上嚟幾張攝圖都OK，可能因為袋鼠未見過佢之前做嘅劇集吧，無第一印象？(袋鼠係睇動漫多啲，日劇比較少睇，所以好多俳優都未必識) 都係之前個理論，減肥過份隨時變骷髗魔… 前排講，好似杜如風夠自信（qualified一點，寸得嚟都有真性情），自然睇得好順眼 (袋鼠重口味？)
Bro.大戶終結者...
Warming up to maneuver coming stocks disaster
...
SIGH...
袋鼠兄~
還記得這位深田公主吧?
唉~自古美人如英雄......瘦左都唔一定會靚左
見到一個留言好有同感:
"還我肥恭~!"
Bro. 獸人,
"熱定身迎接股災" 英文點講?
小貓兄，是但啦。
不過被點到名就點都都要覆吧。
袋鼠兄:
先同您講聲對唔住先~
其實我寫的內容唔係同您講
您大人有有量~唔會介意小貓指住您來講其他人吧~?
Great to see many English here now...
Frying stocks & learning English...
Yeah...
SIGH...
匯價，唔係睇利息，其實係睇資金流向 - 利息只係影響資金流向其中一個因素。嚟一次金融危機，又會扯高美元、美債… 唯一例外係日元，因為好多利差交易。其他國家又無邊個得，全世界已經中咗美元毒，唔識用其他貨幣，一有事就只懂入美元。
老實講，十年前袋鼠都睇緊美元沒落，但係而家歐羅火燒後欄，日本仔一向只做老美契弟，人民幣而家又有啲波折，crytocurrency亦不成氣候… 只能夠話，睇嚟美元霸權仲有得行。
用聯匯嘅香港因此會好大鑊。
依家兄，英文放心啦，而且移民國家，過多30年，到時可能半個澳洲都係亞洲人。
以前啲其他袋鼠，都好有耐性，仲會講，your english ok, my chinese is bad!
諸如此類… 有次去日本，個酒店待應道歉英文講唔好，同佢講番我啲日文仲差，見佢開心晒
反而擔心一吓會唔會唔習慣呢邊生活方式。
袋鼠兄，
在下算係識外國人多，不過佢地絕大部份都係亞洲人，大家d英文都係廢廢地，係勝在夠膽講，亂講一通，好似新加坡人咁，英文唔好但係狂講，講慣左，但係如果去考試，死梗
美元弱左幾耐應該就要強返幾耐，問題係可以強到咩地步？當年美元指數120果陣，美元息率應該有六厘，但係在下又睇唔到兩三年內美元可以加到五六厘息，加到兩三厘已經好勁(應該唔得)，而且息未上商品已經爆左，所以美息應該升極有譜，咁既前提下如果美元都係升極有譜，亞洲爆災應該都有譜，而今日同90年代最唔同既係，當年中國冇份玩，依家中國掘起左，如果亞洲爆災，邊個國家會扮演歐盟德國既角色？邊個係西班牙？邊個會係希臘？
在下明白袋鼠樓始終都係free hold比較值錢，真係要去睇睇，可能年底過黎掛？朋友同在下講RMIT果度好似旺角咁旺，真唔真就唔知，在下上google map睇，d行人都係華人多，真搞笑
小貓兄，原文留言係講今時今日 (雖然無用『今時今日』字眼，但我以為好明顯)，中國貨在沒有足夠品質保証，好難今時今日，俾國內消費者有信心去買國貨去刺激經濟。
講未來，係陸sir講30年後嘅made in china或者係一個品牌。
頂多，袋鼠只係講日本及四小龍過去。
PS 袋鼠有回應陸sir，基本上係只係講，30年後『大陸好、香港好』，否則香港唔好過，但係對中國未來發展沒有任何推測。
袋鼠兄:
Made in China曾經是成千年的世界名牌,在中世紀的年代,西方只有皇室和大貴族才能飲到茶,使用中國的CHINA~
同依家中國"貴族"對洋貨的高度評價是相同的。
鴉片戰爭之前,西方已經發展成"軍事强國",
但生活產品仍然很落後,人民生活在疾病、惡臭、黑暗的環境,
品性也曾經是兇悍、自私、無私,不知恥的民族。
日本70年代以前,也是抄襲的國家,Made in Japan同樣是低劣品質的"名牌"
香港80年代,也是抄襲和低劣貨品的生產地區。還記得那時本人還是幼兒,也曾幫母親摺膠銀包。(平面膠片摺成,加上一顆鈕扣的簡單散紙包)
那年代香港滿街都是冒牌貨,無論是擺攤還是店鋪,都賣翻版。還記得VCD年代,幾乎所有二線商場都有翻牌VCD店,炒超任 GAME碟的日子嗎?
以前兒童每天抱著的玩具,也是含鉛量極高的塗料。過去充滿香港大小街道的黑煙就是含鉛量甚高的有鉛汽油。
中國現在走的路,過去的西方列國也曾走過,
中國現在的生產模式,過去的香港也曾經過,
中國人民能不能最終成功獲得今天歐美的生活水平,言之過早。
但若因為今天中國和西方國家有差距,就睇死中國的未來發展,就唔夠客觀了吧?
Bro Gilly, Yeah, Warnie was great... No one can make slow bowling as sexy as he has made it.
(之前留言，看來記錯了賽事，已刪除)
Bro Gilly，I was in Australia in late 1980s, when Australia cricket was only half decent, and the dominating force was the quickies from West Indies. After the retirement of Greg Chappell, Dennis Leelie and Rod Marsh in mid-80s, Australia has gone from a competitive force into a really average team (Steve Waugh debuts around that time).We lost the Ashes and struggled against the West Indies quicks. It was Allan Border who rebuilt the team with Bob Simpson.
If you have watched soccer, you may recall there was the Italian striker Christian Vieri (commanded highest transfer fee at the time), who used to live in Sydney and grew up watching Allan Border, hence his sporing hero.
FINALLY, FIRST ENGLAND WICKET FALL!
Aussie should have made 160-200.
依家兄，住落用得多英文自然無問題。肯唔肯、夠唔夠膽講。
你都交遊廣闊，應該都經常用英語交談吧。
Bro Gilly，the English openers prove that it is not a dismal 60-run wicket... SIGH
袋鼠兄: no I didn't! I vaguely remember this sports where people wear white clothes & use funny wood pranks when I was watching Star TV in HK in mid-90s. Then when I went to AUS, my 1st taste of cricket was watching Warnie dance on the balcony in 97! Did live through the 'golden' era of late 1990s and early 2000s. So a bit sad to see AUS decline (much like the WI decline?!... ==")
依家兄: trust me you'll be fine. You'll learn very quickly anyway. Also, you can always go to 'asian area' like Box Hill, Glen Waverley, Springvale. You don't have to know how to speak ENG! haha. (Not that I recommend it as I think you should blend in with the culture and the locals).
依家兄，
袋鼠覺得袋鼠央行唔會減息，屬個人意見。有經濟專家睇11月會因為失業率上升而減息，RBA keeps cash rate at 2 per cent at August meeting↵，但袋鼠覺得對經濟幫助不大§，留番啲彈藥，只有金融風暴才會減息。
§ 好多人以為減息就可以刺激經濟，但都要啲人肯借錢、肯使錢先至可行。好多評論質凱恩斯食死貓，以為佢老人家只係識講低息去剌激經濟… 無錯佢有主張貨幣政策，但啲論者甚至政策執行人都無睇清楚假設環境，忘記在流動性陷阱，只係剩番政府開支可以支持經濟活動。
美元轉強係一個長期趨勢，大慨兩年多前已經開始，起碼行多五年。就算睇唔好佢經濟都吹佢唔脹，有好多理由可以講，但唔講太多了，反正這是趨勢。
香港樓價，其實要睇幾多人失業，斷供情況如何，有沒有承接。反正而家大家都係估估吓，唔買樓都有其他投資，雖然過去幾年未必及樓價上升，都唔係話完全輸盡機會本錢，保得住本錢總有機會。
話時話，諗住退休，到時老咗，多層大厦上落未必方便。有地面屋在購物區附近可能好啲？
bro animal, that flat probably sold less than 2M during 2008 crisis, actually it just benchmark with market for 3-4 times increment...
bro gilly, you are right, those ads never say anything about the management fee....must make it clear before making any decision...
bro kangaroo and gilly, i have another concern now, i really wonder if i can survive in MELB with my broken hk style english.....
Gilly, all said, the poms do play better on the pitch, can't deny that. Aussie footworks are horrible.
And as you say, let Smith leads, Clarke probably should move on with Haddin.
Did you start watching cricket when Allan Border was the captain?
袋鼠兄: if AUS is NOT batting again today, then definitely game over... Disappointing but it's fair to say the current AUS team is not world beaters. I'd say let Smith lead and take say a couple of years to build his own captaincy style and team and go from there.
依家兄: other things to consider are body corp fees (管理費 ) throughout the years, which won't be cheap for the apartments you're thinking about (got lifts, got gym, got pool for example, that will be expensive and increased every year). Secondly, opportunity cost for the money you could have spent elsewhere to earn.
Bro.依家控股...
That's why i begin to worry even HK property price will collapse 80% from the peak... is not really cheap la...
So we should want more jump-off ifc suicide killing disaster and blood in 2018...
So more panic atmosphere to let us buy at more reasonably cheap price la...
SIGH...
唔係下話?
中原地產最新錄得將軍澳中心9座高層G室交投，單位實用面積436平方呎，建築面積581平方呎，兩房間隔，享西北山景，放盤近5個月，零議價下以600萬元成交，創屋苑同類型細兩房戶新高，單位折合實用呎價13761元。
原業主於2011年以358萬元買入單位，持貨4年間，單位已升值242萬元或67.6%。 (KC)
Gilly，even the weather is not helping... the clouds are gone when the poms start their inning... less ball movement
袋鼠兄, GILLY兄,
在下想買袋鼠樓, 除左投資之外, 另一個目的係計劃退休後離開香港
係香港冇樓, 貴買又高風險, 與其冇了期等香港樓價回落, 袋鼠樓價又係可負擔範圍, 不如趁後生有工開時供定一層, 老左起碼叫做有層樓退休? 話晒都叫700呎兩房, 生活質素差極有個譜
係香港如果做到退休果日都仲係冇樓, 又冇公屋, 揸住果幾百萬, 如果到時香港D租金仲係好似今日咁食人唔LUR骨, 到時生活可能會好慘.......