白飯魚煎蛋

很久沒有寫食譜，因為同樣嘅餸冇必要寫完又寫。早幾日出完騷，今日一於豪食，煮「白飯魚煎蛋」；吓！呢味下價嘢都叫做豪食？係呀，因為我買左大條嘅白飯魚----不便宜架！三十幾蚊六兩(細條果啲十五蚊一兜)貴過買條游水黃立倉。

呢味雖然係普通家常菜，不過我從未整過。我亞媽做「一家之煮」時，經常買細條白飯魚食，但煮到後期(大約十年前)，我發覺啲白飯魚好似假左，好似食塑膠咁，之後我都冇食過，不知何解上星期見街市有得賣，好想整嚟食----轉死性乎？

「白飯魚煎蛋」的主角是白飯魚，即是銀魚，性平、味甘，入脾、胃經，能補虛，健胃，益肺，利水。白飯魚有潤肺止咳、善補脾胃、宜肺、利水的功效；可治脾胃虛弱、肺虛咳嗽、虛勞諸疾。雞蛋性平、味甘入心、胃經，能鎮心，安神，益氣，除熱火。止疳痢-----中醫講嘅！

註：

一. 最好用小型平底厚鑊煎，才容易反轉煎另一面。我用的是中式大鑊，加上用了大條白飯魚，所以很難全塊將佢反轉！當然，也可以續少、 續塊煎；或者用細條白飯魚，會容易控制。

二. 魚露用量視乎所買的魚露牌子，我用的稍為偏淡。

三. 另一方法是先煎白飯魚(不飛水)，待七成熟加入蛋液煎至凝固。