域 流亦詩
域 流亦詩
域 流亦詩

攴嘢奇談

2015/08/24 13:01:01 網誌分類: 妖城故事
24 Aug

先生教學我走堂

攬著阿嬌去洞房

點知半途失路向

惟有就地嵌一樁

 

呢嗱、我哋紫荊城嘅大學生認真係乜都出位過人嘅。吓、乜嘢咁駕勢?之唔係同女友在行人路邊當眾搞魚水之歡囉!不過請聽清楚、我講緊嘅唔係揩大咗嘅忽仔、忽妹、而係紫荊城高上學府嘅大學生。月前一對男女大學生在慾火攻心之際、連租用時鐘酒店都嫌費事、便將行人路邊當作新房、就地大幹起來。登時睇到過路嘅街坊人人心癢癢、個個眼甘甘。後來還被人將條片擺上互聯網供諸同好、真係唔知到當佢哋嘅爸媽睇見之後有何感想矣!在早幾日前又有一對人細鬼大嘅男女小學生、在公屋後樓梯上演顛鸞倒鳳、而且還有另一名男童用手機在旁拍攝。依我睇、假如唔係驚動咗大廈保安報警嘅話、那段片分分鐘紅爆互聯網。呢鋪都可謂攴嘢無大小、最緊要啱橋咯!

 

喂喂、有冇人可以話畀我知、究竟紫荊城發生緊乜嘢事、點解爆親呢味嘢都關學生嘅事?血氣方剛嘅大學生就話谷精上腦、把腦袋沖昏才會色膽包天啫!兩個十一二歲嘅小學生都谷精上腦、會唔會早咗啲呀?不過這也難怪、近年城中學校不時爆出鹹濕教師搞女生嘅醜聞、最近更驚聞連男學生嘅後欄都唔放過。試問呢類咁嘅教師又點會話唔教壞學生呢?有跡象顯示近年來、這類風化案有上升趨勢。教育界實在有警惕和反省嘅必要。你可以唔認、但本地教師質素良莠不齊已經唔係新聞。今日學校只著重教書而輕視德育培訓、萬一畢業後嘅學生又加入教師行列嘅話、佢哋嘅質素將會係點、大概大家都有眼見啦!係嘛?紫荊城教師薪酬之高、排在世界先列、質素又是否能夠睇齊卻是個問號。唔係我要潑冷水、當今各級校園都受到政治風氣薰染、學生被鼓厲參加政治活動。假如再係咁發展落去、城中嘅高薪厚職遲早益曬內地大學生、到時別埋怨人家來搶飯食喇!知冇? 

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!