煙鴨胸炒涼瓜

呢個係「都市閒情」Annie師父介紹嘅食譜，靈感來自「涼瓜炆火鴨」。用急凍鴨胸係方便之選，如果有食剩火鴨咪用火鴨囉。原食譜落左好多紅椒，我唔食所以冇落！

材料：

急凍煙鴨胸一個

涼瓜一個

蒜茸兩粒

芡汁：蠔油、糖、生粉、生抽、水

一. 鴨胸放至稍軟便切成薄片(完全軟後較難切)，下少許紹酒略醃。

二. 涼瓜切件，洒上少許鹽醃一會，用水沖淨。

三. 燒油下一半蒜茸，爆炒涼瓜，下鹽、糖、生抽調味，加水炒至軟身盛起。

四. 燒油下餘下蒜茸，爆炒鴨胸至熟，下涼瓜炒勻，埋芡上碟。