Wooloomooloo餐廳

今日中秋佳節，祝各位網友中秋節快樂！

前日同姪女唔食早餐(因為食左早餐，就食唔落午餐)，中午去尖沙咀The One食午餐。

去到是正午十二時，原本諗住去19樓一餐廳，結果冇位，惟有去更上兩層樓嘅Wooloomooloo。一間餐廳佔晒全層，好大！

午市套餐共三道菜：頭盤/餐湯，主菜，甜品加咖啡或茶，價錢由$188至二百幾蚊，視乎你揀那道主菜？

姪女揀左:$258

磨菇湯

牛柳

雙球雪芭

我揀左:$188

蟹餅沙律

龍蝦大蝦扁麵

泡芙雪芭

唔駛多講，淨係睇個樣就知秀色可餐啦！美中不足係我飲果杯凍奶茶太淡咯；仲有，係餐單祇有英文、侍應亦講英文，唔識英文？係咁先！又或者響頭盤、主菜同甜品單中隨意點一味咯----如果你好似我咁咩嘢都食得一餐嘅(連果啲半生不熟嘅蛋糕都食得落肚)，咁仲有咩嘢唔食得呢？

咁嘅環境、咁嘅食物質素，服務好更加唔在講啦，絕對超值！ 你諗吓啦，去「翠華」食個餐，閒閒地都要成百蚊喎！(果個半生不熟嘅所謂蛋糕都七十八個大洋啦)