真普選

普選（universal suffrage）是指每個公民都擁有相同而平等的投票權（right to elect）、提名權（right to nominate）及參選權（right to be elected），當中票值在選舉當中是人人相等的。(呢個係學民思潮所指「真普選」嘅定義)

我家屋苑的業主立案法團最近進行改選。

近呢幾年，每逢法團兩年一度嘅改選，都發生不少風風雨雨。每次臨近選舉，同層的上海婆(法團執位之一)例牌到處籠絡佢所認識嘅業主(包括我在內)，叫業主支持某某人做主席。

又每次獲得上海婆支持成功當選果位人士，之後又會佢數臭！明知呢個係煩人，我見倒佢響街頭，差不多要避走街尾，無謂被佢捉住說三道四，反正佢講嘢我十句祇聽得明兩句，可能因為咁，所以冇人會選佢做主席掛；亦可能因為佢女婿做裝修，所以驚選左佢以後屋苑裝修工程會俾晒佢女婿做掛；亦可能佢吃不到葡萄，所以葡萄永遠是酸的也不成....

上屆主席是一位女士，是過去幾屆法團的財務主任。今屆選舉，上海婆一如概往，又有另一位佢心儀嘅後選人，因此茅頭又指向現屆法團主席。

今早出門食早餐，遇著隔離屋兩夫婦，我感嘆每次選舉都發生鬧劇。那位鄰居指：「咁又係喎！冇理由選個唔識字嘅人做主席架。」上海婆到處同人講，現屆主席是文盲，冇資格做主席！

我：「佢係唔係文盲我唔知，但對上幾屆佢都係當財務主任一職，會唔會係文盲呢？如果認為文盲冇資格做主席，何解上屆又選佢呢？」

鄰居：「我地法團共有兩座大廈，據講(仲有邊個講吖)佢買通左隔離果座嘅業主，所以上屆好多業主投佢票囉！」(投票以暗票形式進行，她如何得個知那些業主投票給她？)

我：「如果有證據證明佢曾賂選，應該去廉政公署告發佢；假如冇證據證明佢行賂，佢係經民主選舉產生，便不應理會佢是否文盲！」(係文盲又如何，邊條例指主席候選人不能是文盲？)

民主選舉吖馬、普選吖馬，參選嘅唯一條件係佢必須要係業主啫(唔係業主，點做業主立案法團主席、執委呀？)，冇最低學歷要求喎，咁人家攞倒票咪勝出囉，怨不得誰！(香港人夠個個都鬧「長毛」啦，但係人地屆屆高票當選，何解呢？民主選舉吖馬，少數服從多數吖馬，佢餐餐響議會攪亂檔又如何？立法會又制止唔倒佢、法庭又次次放生佢，有人要選佢，市民除左無奈之外，仲可以點？)

呢啲咪佢地所講嘅真普選囉：冇篩選吖馬----祇要係香港永久居民便可！以後大學畢業搵唔倒工做咪選議員、選特首囉！有邊份工咁好：唔駛見工、唔駛學歷、唔駛人格審查，選倒便可呼風喚雨，最低限度公務員人人都要向你salute呀？