吼內房
美股仍被加息主題佔據。聯儲局官員繼續放風話12月適合加息,其中下個月有投票權的聖路易斯聯儲主席布拉德(James Bullard) 話,如果油價能夠喺目前水準穩定落嚟,其他物價又能夠保持今年的速度上升的話,生8美國通脹率很有可能回升到央行設定的2%年率目標。
低通脤率一直都是某些聯儲局官員不同意加息的主要原因,他們希望見到通脤率能夠明顯踏上上升軌之後再加息。由於油價已經跌得好低,應該沒有再大跌的空間,而高盛預期油價可能跌到每桶38美元已經觸底,依家油價正在40美元邊緣徘徊,聯儲局官員似乎對通脹回升開始有信心,12月加息的決心又大啲。
美股大市的表現,反映市場已經大部份消化咗12月加息的消息,上周五繼續反彈,杜指漲91點,收報17824點,漲幅0.5%;標普500指數升8點,收報2089點,漲幅0.4%。總結全個星期,杜指及標普500指數齊漲3.3%,納指漲3.6%,差不多收復對上一周的失地。
在聯儲局高唱應該加息的同時,歐洲央行行長德拉吉則猛講要加碼放水推高歐洲通脹率,德拉吉話,「如果物價中期目標有下行風險,將動用央行權利範圍內的一切可用工具。」意指擴大買債的規模同範圍。市場已經預計歐元區QE措施,至少要延長至2016年9月,甚至更長的時間。目前歐央行每月買債600億歐元,購買的債券大部分為政府債券。不過,對於德拉吉的言論,歐股卻無大變化,德國股市微升0.3%,法國股市接近平手離場。
市場對於聯儲局好大可能敢於12月加息的考慮,除咗就業市場表現強勁,對通脹回升信心提高以外,對外圍經濟,特別係中國經濟有回穩的跡象不無關係。上週五,摩根大通董事總經理、亞太地區副主席李晶表示,中國經濟近期慢慢開始企穩,經濟的調整已經初步見了成效;同時,中國經濟發展的驅動力從製造業轉化為第三產業。目前,服務行業在GDP中佔比為51.4%,製造業佔比降至40.6%,服務業的比重比製造業高出大概10個百分點左右。不過,傳統行業例如鋼鐵、水泥等仍存在產能過剩的現象。
李晶補充,由2014年11月開始,中央已6度降息,未來再降息的空間比較小。而未來經濟增長的動力,將來自結構的調整。
中國經濟近排企穩,有乜行業可以留意嚇呢?中金日前發表報告,話內房股上周表現唔錯,其中中海外(688)、萬科(2202)及恆大(3333)都升超過半成,而潤置(1109)更大升9.2%,認為此次漲幅主要係由於市場對於政策放鬆的預期。
中金認為近期地產政策有可能會進一步放鬆,料政策儲備包括首期比例進一步由30%下調至20%、降低或免除二手房交易資本利得稅/營業稅、允許按揭貸款利息抵稅、通過將營業稅改為增值稅,降低開發商稅收負擔。考慮到一、二線城市供應有限以及三、四線城市需求疲弱,預計明年全國範圍地產銷售會與去年一樣。
中金認為內房股當前股價較每股資產淨值(NAV) 有36%的折讓,預測明年市盈率7.2倍,處於歷史平均水準,政策放鬆有望帶來上行空間。建議投資者選內股要留意三個主題,包括供應不足城市的資產重估、改善型需求不斷增長、及存量房市場整合提速,中金首選潤置(1109)、綠城中國(3900) 、中國海外出688)及深圳控股(604) 。
另外其實恆大都值得留意,恆大最近獲得中國保監會批准,收購中新大東方人壽50%股權,涉資近40億元人民幣。完成後,中新大東方人壽會改名恆大人壽保險。上周舉行的亞冠杯決賽,恆大繼2013年以後再次捧杯。恆大球員球衣就大大隻字寫上「恆大人壽」。
據媒體引述熟悉恆大老闆許家印的人士透露,恒大人壽是許家印精心籌畫的大金融板塊的第一步。恒大將在此基礎上搭建自己的金融平臺。許家印曾在恒大內部表示,如果金融業比如保險,能實現三年保費過千億,那麼恒大的管理資產,僅保險這一項,就可以發展成為萬億的產業,總資產也將跨過萬億大關。據聞恒大還有可能通過收購方式、或是投資設立其他金融類公司,繼續向銀行、證券公司、基金和信託公司等領域擴張。雖然公司老闆的目標難盡信,但既然公司動作咁多,只睇中短線都可能令隻股熱炒啲。
陸羽仁
大笨袋鼠:中國遊客搶澳洲奶粉,澳洲媒體點樣評論呢啲事?
呢2個月做咗名燈, 左一巴右一巴,港股由低位升咗咁多重要輸, 好在的A股ETF都幫補返多少,至無咁傷
逆市奇葩
2015年11月24日
今個星期期指就會結算,隨之踏入十二月。由於聯儲局官員先後放風,美國有可能加息,美息美匯向上,繼續成為左右大市的力量,就算美股上星期高收,但港股開市已經乏力。強美元效應短期繼續值得關注。
商品關連投資續捱價
聯儲局官員最近有啲彈弓口,會後報告表示認同加息的官員佔大多數,但同時數據出來參差,特別係通脹前景偏弱,為官方押後加息提供理由,所以美股上星期連續幾日踩上。不過,歐央行行長吉拉德不斷暗示放水,令歐羅匯價持續受壓,美元繼續強勢,所以金價無乜運行,石油股同樣受壓。喺金礦股捱沽下,紫金(2899) 、江銅(358) 都跌逾2%,中鋁(2600) 、中煤(1898) 、中石化(386) 都受壓,中石油(857) 雖然有消息賣產,股價都只能微升,呢啲都係強美元下,商品無運行造成的效應。
美元強勢有可能在十二月份息口去向明確前維持,所以相關股份有可能會再出現一輪拋售。呢類商品關連股份以至澳元、加元呢啲商品貨幣,呢兩年都跌得好慘,如果高位揸咗貨,依家有啲唔上落,唯有捱價死頂落去。中資石油股最大好處係佢有息派,咁做可以幫補少少。但係,如果想溝貨,估計未來仲有機會再平啲,依家最好就先忍手。
由於美息因素,市場觀望氣氛好濃厚。開市無耐,恒指就挫過百點,午後受內地股市下跌影響下,恒指一度挫135點,低見22619點,直至尾市稍為反彈,恒生指數收報22665點,跌88點;國企指數收報10229點,跌72點%,成交只有623億元,顯示沽壓都唔算好大。
近日零售業吹淡風,做潮服同手袋嘅包浩斯(483) 公佈截至9月止中期業績,盈轉虧蝕2661萬元,每股虧損7.2仙,去年同期賺2086萬元。期內收入跌8%至5.85億元,公司不派中期股息。
喺本地中型零售商中,包浩斯其實做得唔錯,佢年前開發手袋品牌SALAD,走中價路線,頗受年輕一族歡迎,成為集團增長引擎,管理層決定大搞,但撞着租金上升及中港消費市場由高位回落,結果之前賺錢,依家變成蝕本,有點生不逢時的無奈。由於集團仲有貴租約未完,相信逆境無咁快過去。
同係做零售,利福國際(1212) 昨日逆升3%,收報12.12元。利福屬下的崇光早前搞減價日,結果人流逼到爆。聽聞今年市道雖然麻麻,但減價日生意都做到去年水平,可以話係逆市奇葩。
嚴格來說,崇光最煞食係有自己物業,可以揀最好的租客入場,而且做生意焦點除了高檔客,都好着重大眾化市場,所以無受豪客減少來港消費衝擊咁大。本地做零售好景時俾業主加租,逆境時又要捱生意唔夠,賺的都是辛苦錢,長遠而言點都無做收租佬咁好,所以解釋了點解好多做零售生意者,一有機會就寧願買舖位。
南早小股東等賣盤
停牌的南早集團(583) 又有消息,彭博引述消息報道,指阿里巴巴集團主席馬雲,洽購《南華早報》股權談判已到成熟階段,簽約儀式快將公佈 不過未有披露財務詳情。南早及阿里巴巴均拒就事件作出回應。
行業觀察人士表示,阿里巴巴自從今年6月以來已經向媒體行業投資數十億美元,包括收購網絡視頻巨頭合一。有人話如果成事,美國就有阿馬遜主席貝索斯買《華盛頓郵報》,中國就有馬雲買《南華早報》,不過,貝索斯係美國人買美國報紙,馬雲係內地人買香港報紙,情況稍有不同。從南早集團小股東來說,最緊要係交易是否可以搞掂,以及公司幾時可以復牌囉。
陸羽仁
2015-11-23
Dow Jones Industrial Average (^DJI)
17,792.68 31.13(0.17%) 4:36PM EST
農地買家會唔會係 大叔+褲二袋 ?
以下兩張招紙已過時,今日袋鼠路過,而家已經唔係四罐,而係限購兩罐,不過隻澳洲製造嘅奶粉一樣缺貨。不過亦唔係完全無奶粉買,歐洲、紐西蘭反而仲有貨。有報導已經以 profiteer (牟取暴利) 來形容。
以前袋鼠留言評論過,都可以嘗試從好方面睇,自家品牌搶手貨 (只因為印有日本、香港、澳洲、紐西蘭製造,etc.),都係一件好事。據聞連鮮奶都有直接空運到上海↵。
唔怪得農地都被搶購↵… 有中資機構打算以三億五千萬澳元,就可以買到大過塔斯曼尼亞面積嘅牧場地↵,响銀紙亂印嘅年代,有啲澳洲有錢佬/CEO真係作賤…
無論如何,就算避免唔到啲水貨客以螞蟻搬家形式搶貨,起碼呢家大型超市Coles自行限制,唔使等政府出面。温馨提示字條用上兩文三字 (中英文,中文分繁簡字)…
系統改良完畢
陸羽仁:羅傑斯睇好中國
港元長遠將消失...
SIGH...
成交咁少,好難爆上
已經無乜聽到金管局向市場注資
人仔陰陰跌,6.4都到
但二萬二守到而且大彈
後市係點好難睇...
袋鼠,又想教主呢支明燈為你引路
亨教主,28888瘋暴太細了,騷不著癢處
大家入秘道,一係去28888,一係去18888
將軍 受教了,也有同感.
好在下午取消了沽單,那沒上午的蠅利就跑掉了
市場先生
閒人,如果『亨教主想製造熊潮瘋暴』,只係需要佢講一聲: 直擊28888
馬仔: 市場先生往往是令人費解的, 可以上午狂喜, 下午痛哭. 對於炒市的朋友, 即是要預期市場先生的非理性行為, 而且是以槓桿操作, 今日大贏, 明天可以大輸, 得個桔....
教主:咁快玩完?
將軍
(大叔+褲二代)--->不好再沽空了.....
媚娘, 4伯--->誰與爭瘋......
繫穿225係冇用既, 繫穿 218 啦!
亨教主想製造熊潮瘋暴
教徒既然四散,本教主就一掌繫穿22500!
由22000升到22800還不準?
本幫主唯有出降牛18掌!
明教盞燈唔靈,邊有錢簽香油
《眾徒不見人人上貢五舊 》
亨教主,—日教主.一世教主,你都係乖乖地坐返埋位啦
除非萬徒擁戴+陸SIR呼籲,否則我永不復出了
做教主咁耐,眾徒不見人人上貢五舊
亨教主,你地位無人可替,你還是好好做你的教主吧
明教圖
教主︰閒人飾
退教者︰10,9700
教主,你退?我進了呀
熊人想搏命,教主我退場喇
熊人嚇死我喇....!!! 救命呀!!!
陸sir & 各位:早晨!
早..........
亨教主,買乜唔驚呀
閒人︰
跌少少唔驚,買牛仲平些呢
早
熊福齊天
早呀~