陸羽仁
陸羽仁
陸羽仁

短炒軍工

2015/11/25 09:24:24 網誌分類: 未分類
25 Nov
昨日最搶人眼球的國際新聞莫過如土耳其戰機是土耳奇在敘利亞邊境擊落俄羅斯一架戰機。土耳奇話該戰機飛入土耳奇領空,警告咗10次都無回應,所 以將之擊落。普京大帝話俄戰機在敘利亞境內4公厘,事件尤如在背後捅俄國一刀。事件即時嚇到土耳奇及俄羅斯股市跪低,分別大跌4.4%及3.1%,拖累歐 洲股市平均跌1.3%,其中德國股市及法國股市齊跌1.4%。不過美股先跌後升,杜指收升0.1%。

土 俄關係緊張化使該地區石油供應可能受到干擾,Seaport Global Securities宏觀經濟策略師赫斯廷斯(Richard Hastings)表示,「中東地區遲早會發生重大事件,會使該地區的能源體系受到打擊。」令近日不斷尋底的油價鹹魚反生,紐約1月份原油期貨跌升 2.7%至每桶42.87美元,創3周以來最大單日漲幅。

有分析指出,被擊落嘅俄國戰機機型係 「蘇-24」戰機,其實可以講係戰機之中嘅「古董」,與土耳奇的F16,可以講係香港足球隊同巴西足球隊,完全係「無得揮」。分析指出,今次事件,不難想 像,軍工業板塊的牛市信號,起碼俄羅斯好大可能會積極提升空軍勢力。事實上,隨著ISIS嘅肆虐,已經令到全球嘅軍事工業因為將有大把生意而笑到合唔埋 口。

單睇美國,美國軍工股股價最近半年就升到「嘭嘭聲」。其中Raytheon由6月29日至昨日,股價大升了32.2%;Lockheed升20.9%;Northrop Grumman升17.8%,波音比較弱,亦升了6%。

內地安信策略徐彪認為,本次俄羅斯戰機被擊落可能意味著,俄羅斯跟北約之間的摩擦將進入更加直接而且粗暴的階段,A股市場軍工板塊橫盤已久,行情一觸即發,另外考慮到近期官媒不斷發聲,軍改預期愈演愈烈,中東衝突再起,亦有利軍工股。

香港軍工概念股不多,其一中隻係中航科工(2357),最近彈到6.97元就回落,或可以再試一試高位。但要留意俄羅斯戰機被轟落呢類事件,影響可能較短暫,宜以短炒心態視之。

美股昨日早段亦受到歐股大跌拖累,杜指中上最多跌過108點,但中午已經收復所有失地,橫行至收市,收報17812點,微升20點;標普500指數升3點,收報2089點;納指平手離場,收報5103點。

美 股回穩,靠油價反彈推動能源股造好,杜瓊斯能源指數昨日大漲2.2%,支撐大市之外,另外亦與美國出爐的經濟數據好消息多過壞消息有關,美國昨日公佈的第 三季GDP增長,由此前嘅1.5%向上修正至2.1%,接近市場預期的2.2%。另外,昨日公佈的標普/凱斯席勒房價指數顯示,美國20大城市綜合房價指 數第三季上漲0.2%,過去一年內的房價指數上漲5.5%。當中有三個城市,包括三藩市、丹佛與波特蘭的房價三個月內漲幅超過一成。與2006年最高峰比 較,9月房價指數仍然落後12%。

不過,美國11月消費者信心指數就麻麻,下跌至90.4,差過上月的99.1以及市場預期的100,係14個月以來最低。報告指出,目前狀況指數由上月的114.6下降至108.1,而未來預期指數亦由88.7下降至78.6的兩年來最低值。

美股進入「候加息階段」, 正在橫行消化可能加息的影響。

陸羽仁
回應 (7)
我要發表
李聯廣
李聯廣 2015/11/26 09:10:01 回覆

其實整件事件疑點重重,據報導土耳其稱俄戰機飛入領空17秒,事發境內區域只闊2.5公里,一架時速千餘公里的戰鬥機只需幾秒便飛過,用導彈鎖定到發射都要準備一段時間,除非係早有準備。唔知UN有冇辦法(或有膽)找到真相。

animal666
animal666 2015/11/26 06:22:38 回覆

千金小姐
2015年11月26日

  市場熱話之一係電能實業(006) 股價及相關新聞 私有化不成功,呢個千億「大刁」觸礁,主要因為公司手頭持有大量現金,小股東覺得合併作價不夠吸引。交易受挫,相關股份短期自然受壓。長建(1038) 股價及相關新聞 收報68.8元,微跌0.36%;電能成為包尾藍籌,收造70.55元,挫2.9%;長和(001) 股價及相關新聞 也跌0.39%,報103.6元

  一早都估到,即使電能小股東覺得換股價低,小超人都唔會不斷加價,所以好易散㗎。電能手頭大把錢,小股東期望派息,能否如願仲未知。未來電能業務主要睇佢點樣善用手頭子彈,同埋海外業務表現。至於香港業務,就真係唔係咁樂觀。因為現時政府做緊諮詢,未來准許利潤回報調低在所難免,關鍵只係幅度而已。

  本地電力有減價壓力

  財經及庫務局局長陳家強昨日喺立法會表示,政府在2008年度推出電費補貼計劃,之後三次「加碼」,向250萬個兩電住宅用戶,每戶合共發放了9000元,計劃到明年6月底期滿。四輪電費補貼計劃合共涉及223億元核准承擔額,至2015年10月底,承擔額尚餘超過8.4億元。

  家強局長重申,電費補貼是一次性的紓緩措施,並非恒常計劃,必須設有限期。

  由2008年推出以來,已多次延長使用限期,補貼不是現金津貼,當局會繼續聆聽社會的意見,不宜無了期延長計劃。?家政府累積補貼二百幾億電費,若然停止補貼,市民電費的支出負擔肯定大增,要求削減回報的政治壓力都幾難頂。

  現時本地電力公司准許回報有百分之九點九,自計劃生效後,全球通脹和資產回報率大跌。

  同時,本地增長進入高原期,扣除通脹實際經濟增長只有百分之三、四,未來可能更低,市民加薪幅度都唔好得幾多,明顯比准許回報率為低,喺複利效應下,電費佔生活支出同營商成本的比重有增無減,只不過因為有補貼,減輕了公眾的痛苦指數。

  不過,好多人同企業都呻電費貴,環境局局長黃錦星講到明要減回報率,但減幾多好大機會係下屆政府去決定,呢個亦係好敏感的政治議題。

  本地電力業務喺今時今日投資回報偏低下,係一塊大肥豬肉,但呢塊肥肉食咗咁耐,係咪可以食落去已有好大疑問,所以電能好醒目咁趁好價將呢瓣業務分拆成信託基金上市,實行套現。?家坐擁巨資,本來呢個千金小姐,長建想迎娶佢入門,點知禮金講唔掂數,千金小姐又變成待嫁姑娘,可能又要寂寞一輪。

  天能炒作「新三板」概念

  至於港股微跌幾十點,算係有驚無險。俄羅斯戰機遭土耳其擊落,中東局勢火上加油,好彩午後內地股市發力,帶挈港股收復部份失地,恒生指數收報22498點,跌89點。

  A股午後題材股大漲,證券、銀行止跌回升,帶動滬指上行,創業板全天表現強勢,刷新反彈高點,午後一度衝上2900點。市場?家焦點仲係創新概念股。

  除了內地創業板,天能動力(819) 股價及相關新聞 宣佈有意分拆屬下業務上新三板,股價連日大漲,昨日再創一年高位,收報7.17元,升了3.3%。

  天能動力表示正考慮將旗下天能能源在內地新三板上市,早幾個月已經推薦該股的中金認為,天能能源主要從事研發及銷售鋰動力電池產品業務及鎳氫產品業務。該行相信,分拆短期內對天能動力盈利影響有限,因鋰電池業務佔2015上半年收入的3%。

  該行認為,鋰電池業務在新三板的估值很可能比天能目前估值更高,維持「推薦」評級,目標價7元。佢連目標價都升破埋,如果有貨可以食住一半胡先,博喺低位撈番。

  陸羽仁

 

 

大戶終結者 ( 等人齊 )
大戶終結者 ( 等人齊 ) 2015/11/25 22:24:03 回覆

老尾喱幾日會唔會奶野?    {#iconb_284}

animal666
animal666 2015/11/25 15:44:23 回覆

Buying in 2357 @6.68...

SIGH...

 

 

 

大戶終結者 ( 等人齊 )
大戶終結者 ( 等人齊 ) 2015/11/25 10:25:23 回覆

{#iconb_62} ...............   {#iconb_3126}

 KFC
KFC 2015/11/25 09:27:41 回覆

Good morning.

user

最新回應

幪面馬仔
幪面馬仔 2021/03/09

將軍

睇圖就像樣衰,但大户睇住散户食嘅。

當大家都話跌,可能反高潮。

話時話,明天可能會升。

子龍 (kaka就是大叔的契哥)

馬爺: 大市是否很.....樣衰 {#iconb_62}

幪面馬仔
幪面馬仔 2021/03/09

將軍,大户 {#iconb_62}