降溫
上週四係美國感恩節，美股休市一天，翌日係「黑色星期五」（Black Friday）購物日，標誌著北美購物季節的開鑼，美股提早半日收市，方便消費者購物。大家忙著食火雞同購物，市場水靜鵝飛，交投淡靜，大市亦無大變化。杜指收市微跌15點，收報17798點；標普500指數微升1點，收報2090點。
零售銷售係美國經濟的命脈，而由上週五的黑色星期五開始，直至年底聖誕，係美國全年最旺的銷售季節，差不多可以講，美國經濟增長食粥食飯都係睇這段時間的銷售得唔得。據資料顯示，美國今年的銷售季開頭開得唔錯，特別係網上銷售，Adobe數碼指數報告(Adobe Digital Index)顯示，美國消費者感恩節當日(零晨點至下午五時) ，網上購物總額超過10億美元，較去年同期增長22%，高過Adobe預期的18%增幅。而傳統的實體店銷售亦唔差，零售連鎖企業Target表示，感恩節當天「迎來了大量客流」，銷售數位創了紀錄」，係今年購物季「成功的開始」。
美國「黑色星期五」，歡天喜地。而內地股市上週五亦遇上「黑色星期五」，但氣氛就愁雲慘霧啦。因為此黑不同彼黑也。內地股市在阿爺叫停變相配資（孖展融資）5倍的「收益互換」交易，又立案查中信證券（6030）、國信證券及海通證券（6837）三家券商，在雙重打擊下，A股市場兵敗如山倒，上證綜指大跌199點，收報3436點，跌幅5.5%，迎來3個以月來最大跌幅。
內地重啟IPO新股上市的首批10隻新股，其中的凱龍股份，今日可以申購，其餘9隻在週三出籠。由於這批新股仍按舊有方式申購，要先科水再申購，仲未係按新制認購到至畀錢，所以仍會有大批資金被凍結，有券商預期凍結資金量相對上半年唔算大，估計會凍結資金達一萬億元，但在目前的市場狀況而言，仍然可以講係雪上加霜。
相信係上週五A股跌得太勁，上週五券商板塊幾乎全線跌停，拖累上證指數重挫，市場只知券商被查，但阿爺並未進一步說明被查原因，市場變得疑雲陣陣。內地股市的跌幅相信亦嚇了阿爺一跳，加上IPO出籠，所以連忙「補鑊」，講明查證券公司乜嘢。
昨日，中信證券發出公告，話中國證監會此次調查的內容是公司在融資融券業務開展過程中，存在違反《證券公司監督管理條例》第八十四條「未按照規定與客戶簽訂業務合同」之嫌，券商被立案調查的原因只屬於業務層面，要比市場此前傳出的各種駭人聽聞的消息要輕得多。
與此同時，中國證券業協會緊急澄清阿爺「叫停融資類收益互換」的範圍，話只係叫停新增業務，對於已經簽了約的，可按合同履行；協會又指出，截至上週五，30家證券公司融資類收益互換未了結規模約785億元。從11月以來，收益互換業務平均每日均買入金額約18億元，其實佔在每日平均萬億元的成交量，佔比極低。阿爺顯然想對打擊證券業的行動降降溫，以免對股市壓力太大。
至於市場將會因為首批IPO出爐，可能導致大市資金比較緊張，央行上週五對11家金融機構開展中期借貸便利操作共1000億元，期限6個月，利率3.25%，變相泵水頂住大市。
陸羽仁
Kym,
正常選一的退休方案合理啦，犧牲少收4萬或20萬，避免有25%機會蝕170萬的風險，170萬和20萬實在太不成比例。
好彩係個市跌了咁多日，沽壓已經減輕唔少。
六連陰了，應該會暴力反彈
義父人仔SDR終於出場，今日少者升500，多者升1000點喇，手痕入的牛終於可以止賺
國基會決定人民幣加入特別提款權（SDR），佔比10.92%，超過英鎊日圓，明年10月生效，人民幣國際化走出重要一歩，但佔比低於14%。 IMF agrees to include China's RMB in benchmark SDR currency basket http://www.cnbc.com/2015/11/30/imf-agrees-to-include-chinas-rmb-in-benchmark-sdr-currency-basket.html
挖肉補瘡益港鐵股東
2015年12月01日
港股今個星期開市氣氛審慎，主要係跟從內地市況波動。由於內地股市下午反彈，港股形勢稍定，但收市都要跌幾十點，出現六連跌。市場焦點係國際貨幣基金會傾人民幣入籃結果係點。
之前一直擔心內地股市會在入籃時出現好消息出貨的現象，不過內地股市上周五已插5.5%，昨日上證綜指最低時再跌3.2%，加埋有近9%的調整，未到人仔入籃，股市回吐深度已夠，所以昨日下午1點多就見咗個底，之後炒番上，上證收市仲變成微升0.3%，單日轉向從低位反彈3.5%。
港鐵派息 小股東拍手
坊間有個憂慮，係人仔入籃後阿爺是否不會再托匯價，或者外資會唔會借機會狙擊，推低人仔匯價。人仔入籃理論上會增加外國央行持有的誘因，點解會變成擔心狙擊呢？陸羽仁同一位威猛銀行家傾，佢解釋人仔入籃理論上係長遠政策，照計即時唔會有好大需求買人仔，但同時亦唔應該多了機會被人狙擊。坊間擔心貶值，只係因為入籃條件係要求中國跟從市場辦事，由於外資多睇淡人仔匯價，若然增加市場機制，人仔貶值機會就大過升值。
內地經濟差，外資認為人仔有貶值需要，但阿爺考慮人仔匯價唔會咁簡單，因為人仔大幅貶值，對左鄰右里有好大影響，特別中國搞緊「一帶一路」計劃，要亞洲國家支持，若然人仔大跌，搞到鄰居雞毛鴨血，都無人想跟中國玩，所以中國主觀上不想貶。不過，從入籃會引發貶值呢個邏輯，可以見到市場氣氛偏向審慎，外資會將人仔貶值當作一個風險因素。到入籃好消息證實後，要睇住佢開大開細，好彩係個市跌了咁多日，沽壓已經減輕唔少。
11月份港股弱弱哋，昨日到月尾恒生指數連跌六日，收報21996點，跌71點；國企指數收報9790點，跌65點，成交增至1007億元，同一時間沽空金額115.7億元，沽空比率11.5%。
收市後，港鐵(066)
公佈高鐵造價增加194.2億元，同時公司將合共派每股4.4元特別股息，涉及金額合共257.6億元，當中持有港鐵75.7%股權的政府將會獲派195.1億元特別股息。政府收到息後唔攞走，再注資入港鐵，補番起高鐵條數，由於唔使庫房直接出錢，希望去到立法會財委會時容易啲通過。
港鐵同政府呢招「挖肉補瘡」，益埋小股東，每股收4.4元特別息，以上日收市價36元計，等如收了12.2%息，大派高息，相信投資者會舉腳贊成，佢哋會話呢啲好事不妨多為。
近日有好多間公司停牌，其中一隻係太平洋恩利(1174)
，公司透露屬下在新加坡上市的子公司被銀行商討清盤。太平洋恩利過往不斷擴張。為了支持發展，公司透過分拆同供股多次抽水，資料顯示佢喺2007、2009、2012、2014年都試過供股。今次屬下公司被銀行追數，相信小股東都無運行。
准啤殼唔准賣殼？
做生意有賺有蝕，太平洋恩利押錯注漁業，小股東上了車都好無奈。係正常情況，小股東唯有望公司賣殼，𠵱家一個殼都話值五、六億元，賣股成功小股東可以收番一筆，又或者博新股東有搞作。
不過，𠵱家市場不斷傳緊當局要收緊賣殼，以防好多公司借上市「啤殼」。對於呢個新政方向，市場其實都幾有意見。有中環茶友形容，咁樣係只許州官放火，不許百姓點燈。𠵱家新公司上市無日無之，好多一上就潛水，過幾個月宣佈業績走晒樣，當局話呢類公司「啤殼」，要限制賣殼注資。有人就問，要打擊啤殼，乜唔係應該收緊上市門檻咩？公司上完市，小股東上了車，公司生意失敗，小股東連賣殼執番少少都唔得，咁實在太過絕情喎！
批評者話，港交所(388)
任人「啤殼」自己執上市費，跟住又唔俾賣殼，咁小股民買了潛水股，咁咪無得翻身，做法真係值得商榷。如果要禁止賣殼，首先要提高番新股水準，唔好畀咁多公司上市先至啱囉。
陸羽仁
2015-11-30
Dow Jones Industrial Average (^DJI)
17,719.92
78.57(0.44%) 4:34PM EST
成功入籃, 10.92%
2016年10月1日生效
陸sir，
抱歉有點混亂，應該係咁
第一選擇，65退休，100%肯定
第二選擇，甲)25%機會65退，全程多20萬
乙)50%機會65退，全程多4萬
丙)25%機會60退，全程少170萬
只有一同二選，正常選一合理吧，犧牲最多20萬避免蝕170萬的風險，雖然要工作多五年，但基層做到都應該做掛
謝謝陸sir
睇牛熊圖可能仲有一棍要捱………
在下認為,阿爺拉晒d做市貪官, 點睇都係好消息, 除非你話水太清冇魚冇得講, 但係之前水太深連阿爺落水都比自己人扮水怪打刧, 又係講唔通, 拉晒班人就岩啦
謝buddaau睇法
燈神講完....插
彈完...插
組長:
櫥窗效應，24000
十二月要見易幻四呢....
呀爺又大插插啦...
HUNTER: 依隻野睇住佢由電池廠變成電動車廠, 睇住誠哥又出又入, 最近重帶埋呀羅生玩埋一份, 諗住應該有得諗啦, 但又見佢頻頻批股, 又驚佢只係CAP水股, 搞到自已都心大心細, 三進三出, 頭都暈埋...
將軍,
幾時先至牛力覺醒?
五龍電動車(00729.HK)公布9月止上半財年業績，收益錄得1.37億元，按年下降1.4%。純利1.82億元，每股盈利1仙。不派中期息。相對上年同期虧損1.53億元。(de/d)~
阿思達克財經新聞
網址: www.aastocks.com
大家點睇729??
將軍：你做乜要聽𠴱個大叔嗡三嗡四，嗰啲人應該同佢斷絕來往！！！
//大叔同子龍講人又係我既, 錢又係我既, 學人做好友, 正廢柴......//
陸sir & 各位：早晨！
早
早
早呀～
morning
將軍，佢話『錢又係我既』，即係之前你同佢操盤筆錢，已經還返晒俾你？
呢樣係你死穴，你啲邏輯唔知去晒邊。
2015年11月28日 (12:31 AM)
回應更新及登入有好多問題。
沒有在development platform 測試好，就擺上production platform? 係咪反映報業寒冬，人力資源不足?