懇請高抬貴手！

早前我響網誌經已講過，我對TSA廢存冇既定立場-----我又唔係教育界、又唔係學生家長、更加唔係受影響嘅學童....憑咩嘢講TSA有冇存在價值呢？

不過，有睇開我網誌嘅朋友都知道，我有好多教育界嘅朋友，不少仲係名校校長，所以佢地講嘅意見總會有啲份量掛！

因為律師朋友回港(她英國、香港兩邊走，今次祇短留半個月)，前晚我地約埋晚飯吹水。在座除左我之外，其他都是教育界，律師都係上水某小學校監。

我梗係講番今期熱話題啦：你地認為TSA係咪應該廢除呢？L總監第一個答：我幾年前經已用家長代表身份跟教育局講「TSA有檢討必要」；但總監與其他校長/校監均異口同聲答：「冇必要廢除！」

因為依家香港啲政棍咩嘢問題都要攪到好政治化----要攪咪攪大人囉！依家衰到連小朋友都要搬上檯。

雖然我冇小朋友讀小學啫，我個「哎呀大仔」好多孫仲係小學生，大仔上星期響佢嘅網誌都講過佢孫兒們對TSA看法(有興趣嘅，請click我網友連結「開心Van仔」：12月3日「訪問孫兒」篇)---呢啲係當事人嘅感受，你同我會清楚咩？

順道澄清：雖然名義上佢係我「哎呀大仔」，實際上佢年紀大過我架！咁點解我會做左阿媽嘅？有興趣不妨估吓，不過答中冇獎！

真係希望班政棍高抬貴手，要玩都玩第二樣，唔好再搵香港教育嚟玩啦！你地諗吓啦：李永達當年身為教師，佢當選後仲做埋葵青區議會主席，佢點兼顧立法會議員、區議員、區議會主席同教師工作吖？身兼議員同教育工作嘅香港為數不少喎！教育水評下跌係咩嘢原因吖？與其話係學生抗拒考試，不如話係呢類教育工作者唔想肩負責任---唔駛考試佢地咪唔駛做、有糧出囉！

香港教育一團糟，罪魁禍首係佢地！