台式休閒餐廳

黃埔美食坊(前蔡瀾美食坊)裡面一間小店：

佈置算幾雅緻：

食左個一人晚餐：

當時係傍晚五點多，通常係一般餐廳嘅下午茶時段；但此店祇得一個餐牌，冇下午茶，如果當下午茶便要選擇多士之類嘅嘢食。

呢個係「紅棗桂圓茶」，$34---幾貴！餐牌張相影到個茶壺同個杯好似好大咁，實物好細(相睇都係信唔過架啦)！水可以添加，但係祇得四粒桂圓，加水都冇味啦！唔值，但係呢個天時，我又唔想飲奶茶之類嘅嘢----飲左瞓唔著呀！

主餐：牛肉肉燥飯$62---算幾OK啦！牛肉夠晒稔、流心蛋、咸菜唔太咸！

份量唔大，啱我囉！如果係大男人，我諗唔夠食！咁咪叫多啲囉---咁個荷包又唔夠錢，咁點算呢？

講笑啫！佢對面係太興茶餐廳，響果間下午茶如果叫個飯食、冇七十蚊都唔駛慌走得！咁兩者比較，我寧願響呢間食----冇咁油膩、坐得較舒服(果陣冇咩嘢人，一個人可以坐四個人嘅檯！口味嘅嘢好個人嘅。