都係細路仔之嘛

今日搭港鐵，遇到一件難忘的事，好想同大家分享。

當時班車好吉，到咗一個轉車站，見到一個媽咪帶住個細路上車；個細路一上車，就跳跳札坐唔定，跟住重離譜到跳上我對面果排座椅上，當正係運動場的跑道咁來回奔跑亂踩，其他乘客都為之側目，敢怒而不敢言，但個阿媽就坐係度，一於當無事發生，繼續低頭玩手機。

隔咗一陣，有個挨喺車尾嘅金毛，終於忍唔住出聲：「喂，太太，叫你個細路落返嚟啦！」

但個阿媽非但沒有阻止個仔的行為，重大大聲咁答咀：「細路仔玩下咋嘛！你洗乜咁......」

誰知話還未講完，金毛已經即刻爆Seed大罵：「細路仔大X晒呀？細路仔對腳行街唔掂地架？細路行果條街乾淨啲架？細路唔X會踩屎架？你咁錫佢，唔搵你條脷瀨下佢個鞋底？而家你個細路整X污糟晒人哋啲櫈，你唔知人哋要坐架！(仲有啲聽得唔清楚)」

個阿媽不甘示弱，仍然唔知衰，繼續死撐，想維護縱容個仔：「你做乜咁惡鬧我個仔！」

不過咁做，更加激怒個金毛：「我唔係鬧佢！我而家係鬧緊佢老母！即係鬧緊你！因為係你唔X識教佢！唔X識教佢，唔可以踩污糟人哋啲櫈！你咁縱佢，唔搵你個屎忽，逐張櫈抹番乾淨佢XX！」

之後佢地繼續嘈緊，不過我已經到咗站落車，但心裡面覺得好舒服，因為有人肯企出黎主持公道，申張正義！

雖然好多粗口，但仗義每多屠狗輩，而且句句都言之成理，父母唔識教仔，唯有比街外人教啦。