三八網友聚

我地網友响去年底團左年，尋日係正月最後一天，又悉逢係三八婦女節，咁咪約埋開年兼慶祝婦女節，一舉兩得，合晒經濟效益囉。今次約左響灣仔灣景國際酒店灣湾景廰「多層鮮味」蒸海鲜自助晚餐。

趁未開始食，網友阿夢「拿拿林」拎手機去擸食。六點半一開始，食客蜂擁出去取食物，冇法子、亦唔方便再影相。

今次自助餐主題係係「蒸海鮮」。我之前亦響網誌介紹過近年時興的「蒸海鮮」打邊爐，此種食法好處係食倒海鮮原味，食時熱騰騰，但係都幾貴！所以見倒今次自助餐主題，真係有啲期望架，但係結果就有點失望囉！

何解？可能自助餐要同一時間提供食物予大量食客，所以酒店一早將海鮮蒸熟，但攞嚟食便缺少了熱騰騰的感覺，祇似係食緊「涼」了的海鮮，與吃自助餐一向有提供的「凍」海鮮分別祇是「涼」同「凍」，完全冇食「蒸海鮮打邊爐」嘅感覺！

當然，如果好彩撞啱佢有剛蒸好嘅海鮮，咁咪較熱囉！但係食物檯跟座位有一段距離，食物拎到埋位都係得個「暖」字。

不過，除左呢樣，網友都覺得自助餐所提供的食物種類頗多，連食嘢最挑剔嘅「哎呀大仔」都覺得食物啱佢食，咁就夠啦！

以下祇是部份食物的照片，其他果啲？顧住食，冇影囉！

我地用左三月優惠價(全擡不多過十二人)以小童價計算。我地八個美女慶祝三八婦女節，毎位三百八十個大洋。