另類禮品

以下是今個農曆年收到非糖果餅乾之類嘅禮物：

一. 三八婦女節網友聚餐：網友「為食豬」交來對上一次我與「哎呀大仔」出騷(2月1日)「艷照」一幀！攞正牌做「影后」：偷影都影得咁靚，「正」！

二. 同日聚會，網友秋田送了幾件DIY肥皂給我試用：有洗頭用、有沐浴用、更有家居清潔用----(秋田是花店老板娘，呢類環保DIY肥皂在佢店內有售。佢話經常缺貨，最好預訂喎！)

上面左右兩件是沐浴用，右面果件香氣較特別，亦比較貴。我尋日開始用啦，因為應承左秋田，用完要俾評語。

下面左手面果件係洗頭用，而右下果件係廚房用。秋田話佢清潔效果犀利過「威猛先生」喎！

右上角較貴果件：

洗髮用果件：要放入隔離個網，捽至起泡才用。

三. 我其中一位唱平喉嘅曲友送給我的「牛肝菌麵」，一盒六個。其實我甚少無端端煮麵食---早餐、晚餐都唔會！所以尋日中午煮一個嚟食：

根據包裝指示，祇需將麵餅滾兩分鐘便可！麵質幾爽，但係我食唔倒牛肝菌味，最終加左啲蝦籽同菜一齊食。

四. 另一位唱子喉嘅曲友送給我的香水版：依家冇上班，我甚少用香水；以前即使有用，都祇會用固定果兩三種淡香水。所以，呢盒嘢都係要嚟作觀賞用！