不認同新界鄉議局組黨

上水鄉委會主席侯志強早前在鄉議局會議上，動議成立「新界進步聯盟黨」，他說有關構思商討已有1年時間，形容新界人溫馴、沉默和奉公守法，但很多政府的文件未必很清晰，有時「踩界」亦不知道，希望組黨協助鄉民，認為新界人應該有自己的發言人。(香港人大多數都係溫馴、沉默和奉公守法的，不單是新界人；至於係因為不清楚法例而「踩界」、抑或是太清楚法例而「踩界」，市民又不妨諗諗！)

侯志強在一個電台節目，被問到組黨構思是否因為近期「套丁」爭議，他說不單止一件事，又說無論歐美國家，只要有幅地和有錢，經合法申請，就可以起屋。(香港地少人多！丁權呢樣嘢其實當年係錯誤嘅決定(至於邊個嘅決定，大家有興趣嘅又不妨翻查吓記錄吖)以前祇要係原居民嘅男丁，成年後便可申請「丁屋」；所以原居民一向不重生男重生女，但係男丁不斷增加，相對香港土地一日一日減少，咁.....唔好意思，呢樣嘢我一向反感.....仲未計原居民葬地呢樣嘢)

侯志強被問到如果成功組黨，會否出任主席，他說自己做人很謙虛，不一定要由他出任，希望由有能力的人出任主席(唓！做唔做主席有咩嘢所謂，最緊要係話得事啫-----君不見「死肥佬」響各個「犯人」黨度都冇一官半職架，但係就可以挾天子以令諸侯。呢個世界，祇要有錢，你叫人吠就有人肯吠！)

侯志強表示，近到北京探老朋友聽取組黨的意見，全部是正面聲音，值得鼓舞，又指香港有組黨結社的自由，對香港社會好(香港好！何止有結黨自由呀，依家連犯法都有自由呀)。惟被問到有沒有見北京官員，侯志強沒有正面回應，只是說對方是「好朋友」，不透露對方的身份。

侯志強早上出席電台節目時表示，組黨名字無標明是新界，因為服務範疇不單只在新界，所有香港市民、香港事務都會關心，而身為新界人，新界的傳統權益亦會全力保護(市民點睇？信唔信？)。他又認為，新界原居民有五大家族，包括侯、廖、鄧、彭、文家族，祖宗在港立足一千年，新界原居民才算是「本土」。

侯志強強調，新界人的權益並非政府給予的，而是政府一路步步壓逼「金剛箍一個個箍落嚟」，尤其是近年的僭建(明明批准建三層丁屋，結果建左七層都合法呀？)、丁權、土地問題，及社會發生的大事，都牽涉到新界人被外界標籤，故現時組黨參選為鄉民發聲，鄉民都十分支持，另亦有公務員、商界及法律界人士加入(公務員、商界及法律界好多都係新界原居民----大家諗吓：幾十年前要供子女讀大學，唔係一般市民可以負擔得嚟；原居民又唔同，有丁屋、有地收租、有祖堂錢分.......所以佢地嘅子女，祇要讀倒書，好多都成為大學生，依家咪身居要職囉！)

侯志強舉例，工聯會已有勞工界議席但亦參加直選，取得幾個議席，發揮到功能，故認為鄉議局雖有當然議席，但亦希望增加議會內的聲音。他指，有關組黨計劃並非今日之寒，前鄉議局主席劉皇發亦曾於2014年提出過，現時只是由他們去實行。

=====================================

講番正題：何解我唔認同鄉議局組黨？

正所謂多隻香爐多隻鬼。但係香港有組黨自由喎！你淨係睇吓最近新界東垃圾會補選吖：

如果建制派唔分裂，可以團結起來，幾時輪到「過橋」羸？

而且，據我所知，今次好多人都未有盡全力幫忙！何解？各懷鬼胎囉！與其幫左人之後流失票源，何解唔留番嚟自用？你估人人都有顧全大局呢個心咩？

至於原居民組黨，個人認為必不理想！

一. 原居民數目講出嚟好似好多，但係相對真正住響香港、新界嘅數目來講，相差好遠！(要拿拿林轉地址囉)

二. 雖然依家新界鄉村亦設有非原居民村長之職，但係佢地始終唔係原居民，唔可以享有原居民福利！緊急關頭(特別係利害之爭)，你估佢地會點諗？

三. 新界原居民一向俾人嘅感覺係「土豪劣紳」！唔好意思，雖然響我熟悉嘅原居民當中，亦有不少好人；但這是因為我熟悉佢地啫，咁其他唔熟悉佢地嘅人點睇呢？如果一個黨淨係得原居民支持(我可以大膽講句：即使係原居民，都唔一定會支持原居民！)，咁可以得幾多票？結果，除了將票源分薄之外，一無是處！

綜合以上理由，個人認為呢個黨，如果真係成立，祇會為依家經已亂到無可再亂嘅香港-----添亂！