低糖甜品

姪女知我喜歡食甜品。我明知甜品多食無益，依家經已冇咁放肆！以前返工，食完午餐無甜品不歡，依家戒買唔戒食，嘻嘻！慘得過有人買俾我食呀。

係咪好cute呢？點捨得食吖！不過，唔食、難道齋睇不成。

此乃前帝苑酒店行政糕餅總廚Tony Wong開設的蛋糕店Patisserie出品，蛋糕造型精緻。

插響傍邊果枝係汁醬嚟，味道似係紅莓，吱落糕上食：

除左造型別緻之外，食落一點也不甜，可能遷就現代人講求健康---少糖掛！

至於價錢，姪女祇記得係百五蚊左右，除開五十蚊件。貴唔貴？抵過食「馬卡龍」囉！後者又貴又甜，好似食糖咁，試過一次已經夠！而且，馬卡龍祇係一種質感，此甜品好有內涵，入面都用左唔同食材、唔同質感、唔同口感、唔同甜度，真係好考功夫！