檸檬都係違禁品

早前一位香港女子前往新西蘭旅遊，慘遭禁止入境，更被強行原機遣返，非常可憐，旅遊團費和其它損失，保險也冇得賠，原因在她身上，被海關人員搜出了六個未有申報的檸檬，而這六個檸檬，真的貴得可憐！

很多香港人立刻為她抱不平，說新西蘭海關執法太嚴，有冇攪錯，檸檬都係違禁品？

但呢件事提醒我哋，去旅行要特別小心，入境要先問禁，唔好亂帶一些「違禁品」前往外地，否則分分鐘因誤踏地雷，可能惹禍上身。

其實除咗新西蘭之外，好多國家對外來入境物品都Check得好嚴，有好多物品仲係你估唔到嘅！

好似Kinder出奇蛋，原來不准入境美國，美國認為出奇蛋裏面嘅小玩具設計不安全，細路仔好易唔覺意食咗而噎死，仲指出奇蛋係「沒營養的垃圾食品」、「內含危險物品」，據統計，美國海關每年都沒收上萬隻出奇蛋，而一經發現，每隻仲要罰款 2,500元 美金！ 

鵝肝不准入境美國加州，加州人當知道鵝肝是人用不人道嘅方法，令鵝肝變得肥大，用喉管強行灌入大量飼料給鵝吃，於是當地動物保護組織，強烈反對買賣和進食鵝肝，亦通過於2012年起，禁止旅客帶鵝肝入境。

月餅不准入境澳洲，澳洲對入口食物管制特別嚴，因為要避免外來動植物物種，落地生根破壞生態，亦保障國內農牧業健康，所以對蛋、肉類、植物種子和蔬果都有嚴格限制。

未去皮未煮熟的果仁唔帶得，蜜糖唔帶得，就連中國人過中秋一定要有嘅月餅，都不可帶入境！ 

雜誌不准入境伊朗，回教國家一向較保守，伊朗女人出街都要包到冚，時尚雜誌認為有傷風化，污染人民思想，不可帶入境，防止人民違背伊斯蘭教義。

去新加坡，牛肉乾和香口膠，好多人以為唔帶得，其實遊客帶少量自己食，是沒有問題的，反而遊完馬來西亞再到新加坡就要注意，不要在馬來西亞買肉乾，因為新加坡不可帶含豬、牛、羊及家禽熟食或加工食物入境，反而新加坡人過去買餸帶條活魚返嚟，就無問題。 

去紐西蘭，行山鞋都唔帶得，紐西蘭對入境物品管制與澳洲相若，甚至仲嚴許多，其中當局怕沾有泥土的行山鞋，會隨著行李入境，因泥土藏有昆蟲卵或植物種子，或會影響島國生態，於是要把行李箱中的行山鞋取出來，洗走鞋上的泥跡，才准入境。