讀法律嘅人都唔識香港法律！

笑看天下：誰還沒吃過幾隻蒼蠅

本報(東方日報)於一三年揭發前廉政專員湯顯明捲入多宗醜聞，包括濫用公帑進行外訪、酬酢、送禮及收禮，以年薪近百萬元聘請內地學者出任廉政顧問，而有獨立檢討報告更揭露貪湯以廉署名義，分兩次豪掃一千六百元牛雜及魚蛋等。

老朽對法律認識唔多，之不過，憑常識相信身為廉政一哥酬(未做廉政一哥前，佢都貪唔少)，除了要以身作則，更加要廉潔奉公才對，可惜湯顯明嘅劣行，很明顯超越一個公僕應有嘅基本守則，更明顯有違一般所謂的「公務員廉政倫理規範」。

講真，貪湯嘅嘴臉，其實亦係屬於舔到盡之流，連牛雜、魚蛋都唔放過，果然市井得有點「豪氣」：「價值不容遵普世，江山只許屬孤家！」飲貴價烈酒茅台，食平民美食牛雜魚蛋，哥們，可別有本土風味也，哈哈哈！我乾杯，大家隨意！你話做廉政一哥幾咁豪情自我！

老朽欣羨之餘，睇怕佢老哥應難逃一控吧？哪知世事不會根據個人的意志而轉移，律政司今年初「放生」貪湯，決定不作刑事檢控，老朽跌到成地眼鏡碎(淨係睇吓呢個結果，霸地嘅官僚/富豪會唔會驚吖？祇要事過境遷、祇要退休/移民就冇責任.....響香港犯法，仲有咩嘢好驚呢)！至於涉事嘅廉政公署內部人員，廉署於接獲律政司報告後展開內部調查；據了解，八名現任中層或以上廉署人員接受「行政處理」，即被署方作出勸誡(告誡咩嘢呢？告誡佢地以後凡有錢人/高官/退休高官....都唔好查)，但不包括已退休嘅廉署社區關係處前處長穆斐文(都話退左休就冇事架啦！哼，退休都可以停發長俸，收回一筆過退休金架)。穆斐文示範了乜嘢叫做「走得快好世界」，她曾於立法會帳委會聆訊中踢爆貪湯否認借外訪「遊山玩水」嘅謊言，作供時承認自己「警覺性低」，好一個理由！警覺性低是否就可以構成毋須問責嘅理由？若然，任何人做錯事均可逍遙法外。

從貪湯被「放生」，老朽學識化悲憤為可笑！名導演馮小剛說過：「我們生活在一個蒼蠅亂飛的環境中，蒼蠅飛進嘴裏的事時有發生，一旦蒼蠅飛進嘴裏，吐了和吃下去一樣都是惡心。誰還沒吃過幾隻蒼蠅啊。」不平事多得很，今日你食咗未？

施友朋

------------------------------------------------------------

我係讀法律嘅，但係睇過近呢幾年香港不少判例，我開始懷疑自己對法律嘅知識！法官唔鍾意嘅，掉舊垃圾可以判你坐監幾星期、法官喜歡嘅，即使毆打執法人員可以判守行為或者社會服務令、甚至可以話犯事果個年紀輕，要俾機會佢(再犯事)！唉，呢個完全唔係我認識嘅香港！

好彩我免疫做陪審團咋，否則我一定激死！