全城「公投」

一覺醒來，原來今日是父親節，先祝各位網友父親節快樂，身體健康！

父親節響幾十年前經已與我無關，今年開始，母親節都唔駛慶祝！反正我過年如過日，咩嘢節日對我來說都係無關痛癢。母親在生時，佢唔喜歡煮飯，我又因為上班煮唔倒飯，所以晚飯十居其九響街外食，所以過節與否都無咩嘢特別；特別咪係食得街外飯多，吃出個病來囉！可能因為咁，我喜歡「自煮」，呢幾年既減左磅、驗身報告亦開始回復正常。

「飯民」咪好鍾意「公投」嘅，依家我都希望就呢幾年發生響香港嘅事，進行全城「公投」；雖然結果影響唔倒政府施政，但係豈馬香港人可以用自己一票，表達對政府、對政棍、對土豪劣紳、退休/現任高官表達不滿吖！

「公投」議題：

一. 你認為「貪湯」、「貪曾」是否罪證確鑿？

二. 你認同廉署將佢地放生嗎？

三. 你認為高官/退休高官知法、犯法是否應該罪加一等？(唔係淨係好似「飯民」咁叫佢地下台就算)

四. 你認同退休高官對在任時所犯過錯無需負上刑責嗎？

五. 就「垃圾會議員」動不動「拉布」、缺席引致流會，應否實施扣薪制度？(這些「垃圾」是不斷浪費緊納稅人嘅錢)

六. 就「垃圾會議員」收取外國「黑金」進行亂港活動(不是運動)，應否強烈譴  責？(理論上梗係入之以罪啦！但係呢個無用嘅政府又唔敢郁佢地)

七. 法官審案量刑，一般以過去判例為依歸(即是同等罪、同樣刑罰)；但係依家嘅法官，喜歡點判就點判，市民真係無所適從(回復咸豐年代：人治社會)！既然如此，應否將判刑寫清寫楚，免法官有無限酌情權？

........................................各位有興趣嘅，都可以加多啲議題架，一於集思廣益啦！

不過，既然做咩嘢都冇用，不如用自己一票，響九月踢走上面提及果啲人？