一粒老鼠屎，壞了一鍋粥！

這一句話是比喻 一群人中有一個害群之馬 讓整個團體(一群人) 都遭殃；而且，老鼠屎有毒 ， 你還會吃那鍋粥嗎?

救生員罷工上癮 郭紹傑道歉搵笨

名不正則言不順，言不順則事不成。好似康文署班救生員咁吖，三日唔埋兩日罷工，視市民福祉同安全如無物，仲好意思話係救生員，「害生員」就差唔多！

冇冤枉佢哋架。職工盟轄下嘅港九拯溺員工會一早張揚今日發起全港大罷工，點知尋日已經急不可待，展開所謂野貓式罷工，其中葵涌葵盛游泳池只有一半救生員返工，而西貢銀線灣泳灘原本應該有十二名救生員當值，結果只有兩人蒲頭，要暫停救生服務，好多泳客乘興而來，敗興而歸，唔媽媽聲至奇。掃興仲係其次，最怕有泳客唔知頭唔知路照游可也，出起事上嚟，都唔知邊個負責。救生員郁啲就罷工，玩到上癮咁，你話係咪靠害嘞！

唔知攞景定係贈興，作為罷工搞手嘅工會發言人郭紹傑耍晒冧，話對引起市民不便表示歉意喎。喂，一句「對唔住囉」大晒咩？試下有個賊將你屋企洗劫一空，之後「對令你財物有所損失致歉」，睇下你又收唔收貨！講真，抗爭大把方法，放咗工玩一哭二鬧三上吊，悉隨尊便，救生員次次吼正泳季高峰同節假日發難，分明係擺市民利益上枱，作為同當局談判嘅籌碼，搞事阿頭道歉有幾多誠意，心照喇。

即係咁，救生員方面同康文署一直就人手問題各執一詞，工會話人手唔夠(係人手唔夠，定係有人扮病、扮傷.....去「明撈」呀)，呻到樹葉落，而署方就企硬夠晒人，誰是誰非外人好難判斷，之但係救生員成日講到自己得閒死唔得閒病咁款(但得閒「傷」呢！一傷就休假一年)，似乎矯情咗啲囉，前排之嘛，傳媒踢爆多名教生員當值期間集體蛇王，大家圍埋打邊爐擦餐飽，不知幾疏乎，所謂唔夠人手，嫌人太少烚下烚下唔夠熱鬧咋啩？

嗱，救生員人手夠唔夠就唔知，但係假期多福利好就係人都知，大家應該記得，前年佔領期間，郭紹傑呢頭以「跌斷鎖骨」為由請一年病假，嗰頭充當漢奸黎「私人保鏢」，仲勇猛到涉嫌公眾地方打架，以至被諷刺「有力佔鐘，冇力返工」。當局批假批得咁手鬆，增加幾多人手都唔夠喇。(呢條友扮病/扮傷「明撈」，至今咩嘢事都冇喎！)

所以話啫，一隻巴掌拍不響。大家有眼見，救生員工業行動沒完沒了，幾乎好似風土病咁，都唔知爆過幾多劑，最弊康文署始終束手無策(康文署內部咪一樣大把問題！淨係睇佢地批出文藝演出場地呢樣嘢，就經已衰到街知巷聞啦)，連應變措施都欠奉，結果次次都倒瀉籮蟹，到頭來受損嘅咪又係公眾利益。

點講都好，做人做事最緊要有理有利有節，一味以小圈子利益綁架大眾福祉，只會不得人心，部分醫學界人士阻撓醫委會改革，搞到怨聲載道，就係最佳例子。做救生員定係「害生員」，只係一念之差，好自為之喇！

------------------------------------------------------------

救生員因為有呢粒大老鼠屎響度，今次罷工真係衰到冇朋友！市民大眾支持度甚低。

定風波：救生員打錯算盤

剛過去的星期天，救生員再度發動罷工，影響之下，多個泳池泳灘服務受到影響。工會表示，若康文署拒絕增加人手及改善待遇，不排除將行動升級，發動連續性三天罷工。

值得注意的是，跟以往動輒上千人參與罷工不同，昨日估計只有百多二百人響應號召，頗有點武俠小說裏形容「招式用老」的感覺。這也難怪，救生員三日一小罷，五日一大罷，市民早已見怪不怪，不僅邊際效用遞減，市民的同情心亦早已用光，剩下的只有不耐煩而已。救生員搞了半天，甚麼也爭取不到，徒然招來罵聲，如此「蝕本買賣」，實在犯不着。(一於炒晒罷工果班友啦！冇責任感嘅員工少個唔少，多一個都嫌多呀！)

工會與署方就人手和待遇問題爭持不下，但有一點似乎並無異議，工會領袖與康文署官員先後就救生員罷工引致市民不便致歉，這就好笑了。既然那麼重視市民福祉，官老爺早應該尋求解決之道，而不是任由問題愈演愈烈；至於工會的「道歉」，更顯得有點「貓哭老鼠」。說穿了，市民不便，怨聲載道，正是工會想要的「效果」，正是他們心目中的「彈藥」，否則根本毋須挑泳季高峰期罷工。

很可惜，工會打錯了算盤，救生員畢竟不比警察和醫生，炎炎夏日碧波暢泳，沒錯是消暑首選，但冇水游也可以逛逛商場，甚至安坐家中，救生員罷工，最多也止於令市民「不便」而已，殺傷力有限。再說，由佔領到近日醫委會改革風波，市民對少數人利益及理念騎劫全體市民的行徑，早已深惡痛絕。說起佔領運動，工會領袖本身參與甚深，其邊申領工傷假邊在金鐘擔任所謂糾察隊長，充當黎智英的「私人保鏢」，早就惹來質疑，由他來領導救生員工業行動，難怪不得人心。

史弘毅

依家香港天氣一年較一年熱，陽光又猛，其實暢泳亦冇咩好處：容咩易皮膚癌架！如果要在早上和晚間游泳，那時亦冇救生員；所以佢地依家真係可有可無架！咪由得佢地做「漢奸」保鑣囉！