九月四日抉擇難!
九月四日抉擇難
原本冇諗過響下星期日嘅「垃圾會」選舉投票---選嚟做咩嘢啫?果個會浪費納稅人錢、又一無是處!
但係,我投唔投票果個選舉都會舉行架啦!咁我唔投票咪更加容易出現我唔想見倒嘅局面---黑社會、港毒入侵!
唔投票容易,要投票反而難!何解?冇心水囉!即如我早兩日咁講:響冇心水嘅情況下,惟有採取「篩選法」,將唔會選嘅續個抽出,抽剩果個無論喜唔喜歡都要投俾佢!唉,做人做到咁,都好無奈!
先講講「九龍西」有咩嘢人參選先,以示公正:
1. 吳文遠 2. 何志光 3. 毛孟靜 4. 梁美芬 5. 譚國僑
6. 朱紹洪 7. 黃毓民 8. 黃碧雲 9. 林依麗 10. 蔣麗芸
11. 關新偉 12. 劉小麗 13. 游蕙禎 14. 李泳漢 15. 狄志遠
我嘅篩選法係:
1. 暴力文化、粗口文化、崇洋反中、鼓吹毒立/港毒者,一一刪除!不過,香港人又真係好鍾意睇暴力喎:你睇吓「龍城英雄」收視高企就知啦。
2. 無名小卒----支持度極低者刪除!俾佢都冇用啦,雖說是鋤強扶弱啫,但係爛泥扶唔上壁!唔好浪費今年咁珍貴嘅一票---當中有累敗累戰、又累戰累敗者。
3. 藝人之後,原本我都唔清楚佢屬忠屬奸,但係我好相信物以類聚架!睇吓佢群埋果個係咩嘢人,咪知囉!所以我交朋結友唔係咁隨便架,無謂令人誤會吖。
4. 四十歲以下(岐視呀?)唔選!「垃圾會」參選年齡都有規定啦,點算岐視?個人認為做「垃圾會」議員一定要有社會經驗,學歷反而唔係咁重要!係人都知人品重要啦,但係環顧依家啲議棍,唉!人品個屁咩。
5. 老師?你睇吓佢嘅政剛就知係誤人子弟果隻啦!
用上述「篩選法」,篩剩四張名單。我會投邊個?投邊個係秘密,我冇必要講俾你知,祇能夠講:我仲諗緊。其中一張我都未清楚果位仁兄係忠定係奸嘅!疑點歸被告響呢度唔啱駛。
兩害選其輕,我今次會有些盲目地投給我一向不喜歡的政黨了!無奈!
垃圾中都要選無咁垃圾架!
俾那些最垃圾的進入,就越來越垃圾的了。