星星之火，隨時燎原

呢個「正苦」，何解不得人心？當然唔可以歸究一個人嘅責任(走狗得一隻都唔成事啦，要成群至得)！用人不當、用人惟親、....此外，連最基本嘅日常工作都做唔好。

你睇吓深水埗、旺角嘅行人天橋同隧道吖：唔係俾露宿者長期霸佔、便是供小販作擺賣用途；呢啲都係人流不絕嘅旺區，有關部門唔好話我知：佢地睇唔倒！失明嘅咪轉職做電話接線生囉！噢，唔好意思，呢個職位響「正苦」經已消失左好耐；又或者叫佢地提早退休，醫好雙眼先囉！

官地被霸佔，何止天橋同隧道？有錢人、甚至高官可以霸用大遍官地大興土木：建別墅、私家碼頭冇人理；冇錢嘅，咪霸佔新界較為偏遠嘅官地囉(住人又好，做貨柜場又好)，一來冇咁容易俾人發覺、即使俾個地區小官員發現左，佢地一樣有辦法解決嘅(泥頭倒到成個山咁都冇人見)！嘩，高官霸左大遍官地卅年，都祇係叫佢地還原啫，我都唔見「正苦」告佢地；如果祇係霸佔少少官地，即使俾「正苦」告，你咪辯稱：人地咁大遍都冇問題，有咩嘢理由告我呀？(「正苦」輸硬)

問題初起唔徹底執行清拆，當越聚越多時又唔敢清拆，問題咪越鬧越大囉！

港毒違反《基本法》，老師有責任教導學生認清港獨毒，結果俾學生批評干預自由。呢個世界往往有啲人做緊犯法嘅事﹐然後大聲批評人哋不是，呢啲人係惡人先告狀，唔分是非黑白，質素低下(最弊係呢啲教育界「港毒」敗類仲選倒入「垃圾會」;那邊廂，更有個講師藏毒罪成，不過都唔駛入獄，繼續誤人子弟)遲啲「垃圾會」要正名叫做「堆田會」添：寃崩爛臭)。「正苦」有冇正視呢個問題？家長將子女送去俾佢地教，無異送子女入虎口！

香港教育一早便有問題！「正苦」因怕事咩嘢都唔做，依家「教棍」橫行----一代一代咁荼毒落去，日後嘅年輕人祇會更不堪！

「正苦」唔係隨便搵阿張三、李四噏吓話支持「港毒」違反「基本法」就算，唔係出張都唔知有冇法律效力嘅「確認書」就當係做左嘢；可能「正苦」睇死呢班嘢一定選唔倒！誰知人地出左個咩鬼行動，攪串個派對(我諗呢個都未必係「金主」原先想要嘅結果；「嫩狗」祇宜烹左嚟食！行走江湖梗係「老狗」好啦，豈馬都識少少人情世故吖)。依家攪到咁嘅局面(衰過舊屎)，「正苦」點收科？依家告佢地又唔敢(「正苦」祇會欺善怕惡)、唔告佢地又死；「正苦」死係攞嚟嘅，最慘係搵我地呢啲良好市民陪葬吖馬！未來四年點過？

「佔中」、「佔旺」、「鳩嗚」、「港獨」、「衝擊」....初起時，「正苦」冇強硬阻止、一兩件零星落索案件上到法庭，又俾「黃官」裡應外合放過(響香港，做「法官」真係大晒架，司法獨立嘅惡果)！今次「垃圾會」選舉惡果，「正苦」知死未？

死唔係因為市民大眾普遍支持果班嘢(有民意調查為證，姓鍾果個「民調」就唔駛信啦)，而係市民對「正苦」失望：該做唔做！

正如我之前響網誌講：今次「垃圾會選舉」，市民係揀無可揀！觀乎今次結果，好明顯係市民既對傳統「飯民」(收「黑金」、「拉布」、「上演小丑戲」)感到失望，對建制亦唔支持！此消彼長：維持六四比例。

果「條毛」今次仲可以連任，真係要多謝「侯強」，如果唔係佢參選，「條毛」肯定輸左。新西果位周生講果個理由，真係信佢果個都有病；要勸退候選人都揾「侯强」落手啦，咁大陣仗攪個無闗痛癢嘅人(佢又未至於零支持嘅，但肯定冇殺傷力囉)把鬼咩！衰衰地，佢個黨都算係建制派吖，幾個頭頭又同北大人咁熟！

新西票王尋日報警話有人騷擾佢同佢屋企人喎！大家睇吓企響佢隔離果啲係咩嘢人，就明白物以類聚呢個道理。至於邊個騷擾佢？我假設真有其事先啦。我第一時間認為佢應該諗吓：自己響果區做左票王(仲唔係全靠自己實力喎)，結果邊個最受影響先？仲要響選舉後先做！

如果係其他人，有冇可能係佢仇家呢？如果因為政見不同，咁又唔應該淨係騷擾佢一個！結果塵埃已定，有需要做呢啲嘢咩？唔好見阿周生咁講，驚死執輸至得架！

市民對建制派不滿，其實都係「正苦」累事！「正苦」施政頻頻失誤，建制派可說是巧婦難為無米之炊，今次幸保不失，全賴「飯民」果邊亦揀唔落手之故！太古城這個中產區，一向是「飯民」票倉，今次葉劉在該區票數大幅上升，咁有咩嘢啟示呢？「民主袋」、「公文袋」：好好反省吓！

本土抬頭，港獨兇猛，自決囂張，孰令致之？當真追究起來，還不是「正苦」無能，施政乏善可陳導致；尤其致命的是佔領運動後，對一眾幕後搞手及金主投鼠忌器、畏首畏尾，終至養癰為患，一眾反中亂港分子至今仍逍遙法外，「搞事四人幫」仍然在搞事，變成「破罐子破摔」嘅局面。「金主」至今一樣係逍遙法外，令人氣憤！

政治上，「正苦」可謂一敗塗地；肅貪倡廉方面更是乏善可陳：「貪湯」、「貪曾」、「黑金」......唉！我地呢啲市民大眾，真係睇到把鬼火。下次選舉，一於「垃圾」同「雞肋」都唔選，杯葛佢！

上述講嘅，祇想指出一樣嘢：星星之火，足以燎原！但係，呢個「正苦」，永遠唔識得未雨籌謀，出左事更唔夠膽處理，我相信來屆果個「堆田會」祇會更亂、更冇秩序！

選舉之後，誰還相信「書中自有黃金屋」？一眾莘莘學子祇會不學無術、等夠年紀便參選，搏做「議棍」及「寵物」，還用花時間十年窗下嗎？你叻有屁用！人地腦筍都未生埋就收十萬銀個月：日後有子女都唔送佢入正常學校(依家仲有正常學校咩)，送佢去讀政治、送佢入「無線」訓練班學做道具、送佢入警察訓練學校---用納稅人錢訓練佢學衝擊！知己知彼，第日同警察開火都識得點做吖馬！

日後做人，出街無論好天落雨都帶把「黃傘」，心口有事冇事都掛個「決」字，咁樣就通行無阻架啦！