「滴滴仔」入住領事館？

我份人最討厭運動，要減肥我寧願食少啲。運動之中連兵乓球都唔識打！以前有人叫我打兵乓球，我會答：我淨係識打「滴滴仔」。哈哈！真係估唔到我依家打「滴滴仔」打到出神入化喎！

早兩日我建議「滴滴仔」入住「拘留所」或「水飯房」，我以為我好有創意架！原來有人仲叻：建議佢入住「領事館」！

唔係我潑冷水：入住「領事館」係唔可行架！佢作果個理由同政治迫害無關喎。不過，可能點醒左佢：反正佢依家日日想上頭條，話唔定下次會講佢俾人政治迫害都唔定。

如果我係領事，我都唔會批准佢入住啦！即使佢真係我養嘅二五狗----呢啲野，好話唔好聽：俾人知都唔好俾人見吖馬！二五仔揚左出嚟，對佢同個主人都冇好處！

剛出爐嘅「東周」報導：「滴滴仔」口口聲話俾鄉事人恐嚇，而實際上佢今次多個選區都係因鄉事票人多而勝出！

黑社會都有幾個堂口，鄉事派都一樣！咁今期警方咪即係幫「滴滴仔」打壓與佢對敵嘅鄉事派、助紂為虐？難怪佢要咁高調咯，咁先至同俾票佢果邊有交待吖馬。

拿！以上所講嘅嘢，純粹係就所得各方資料加上個人分析咋---如有雷同，實屬巧合！