製作半小時節目 港台要多少錢？
但一個23分鐘3個主持嘅節目，竟然要5個編導、1個導播、另外1個監製共10人。如果拆開嚟講，23分鐘節目，5個編導，1個導播，平均即係每人負責4分鐘工作。一個星期出4分鐘貨仔，你話辛苦唔辛苦死港台啲公務員呢？ 
港台要43至52人 只因香港納稅人錢多？
2016年09月25日 13:00
老宣話晒都是半個傳媒人，最近同幾個港台中人茶聚，個個都話做到死死下，老宣問：「真耶！」肥強話，班高層只是出把口，啲細嘅重唔做到嘔？
兼職的黑腳插口話係電視部做仲死，因為得閒嘅全部係高層，所以做嘢好官僚，啲細嘅咪做到死曪。最慘仲係做兼職果班，好似剪片嘅明明剪好哂，但上頭位位都要話事，由中到高層每一個人睇完都要改一下，咁先叫有做到嘢喎。
高層太得閒 中層洗腳唔抹腳結果招呼一個上層最少搞多兩三個鐘。無他嘅，因為太多得閒老細級。兼職的因以日薪計鐘，導演、監製話之你，超時港台畀錢。其實工作時間長同改片冇問題，不過每次只是改一兩個畫面或者少半段音樂，改來又改番去，最後只是改少少，為改而改簡直悶死你，坐到腰骨痛，不過為兩餐唯有死忍。
花酒明就話，我哋都要等老細話OK，先至出得街，有乜辦法啫！
大哥雄不忿咁話，港台做一個節目其實都要用成村人。
我問有冇咁誇張？雄哥叫老宣自己睇下。
港台平均每人負責4分鐘工作老宣不信，馬上用隨身的平板手機上網，搵到今年7月16日發佈的《頭條新聞》，呢個節目咁屎我冇心機睇，只是去片尾睇下。嘩！發現一個只是得幾個廠景，老、中、青3位主持，加埋一些視訊效果的節目，竟然工作人員出credit都43人。
再睇番上幾集更加要52人。做一個咁嘅節目都要超大製作？兩集比較，減了一些後期工作人員，好似廠景攝影同燈光等等。但一個23分鐘3個主持嘅節目，竟然要5個編導、1個導播、另外1個監製共10人。如果拆開嚟講，23分鐘節目，5個編導，1個導播，平均即係每人負責4分鐘工作。一個星期出4分鐘貨仔，你話辛苦唔辛苦死港台啲公務員呢？
港台係咁啫，比對其他唔係用納稅人血汗錢嘅電視台又如何？
無綫電視今年8月26日發佈的《星期五檔案》，同樣是半小時節目，一共是得10個人做。記者、編輯是同一人，監製做埋旁述，剪接1人。港台用多四倍人，仲喺節目中採用了不少其他電視台的新聞片。
港台公務員必屬完美型人格大家又八下英國BBC如何。他們拍一個資訊節目，好似最近的《Britain And Europe For Richer Or Poorer》仲係1小時節目，人手用22人。即使出差去到北韓拍的1小時節目，連當地工作人員都是14人。港台只是做一個低俗的罵罵政府節目，竟然要用多幾倍人手？
有人話心理學上將人的性格分為四種：活潑型、力量型、完美型、和平型。咁港台班公務員一定是完美型！公營電視台用政府錢同私營的真是有天壤之別，連BBC都要甘拜下風。
內地上世紀有句口號「人多好辦事」，今天竟然由香港電台電視部接了棒……你話我哋納稅人的錢花得冤唔冤枉？
原圖：
http://kenshin.hk/2007/12/31/電台直播初體驗/
製作半小時節目──TVB用10人BBC用22人港台要43至52人 只因香港納稅人錢多？
http://hkgpao.com/2016/09/製作半小時節目──TVB用10人BBC用22人港台要43至52人 只因香港納稅人錢多？
講台乜都自主，錢由正苦出，即是由市民出。當然，要用盡佢啦！
年尾無花紅分，咪十個人，做兩個人的工作，補償一下囉，以便放工後，仍有精力找外快嘛…