一於攪「佔港」慶祝大會啦！

後日便是「佔中」兩周年，忽發奇想：果班嘢依家有幾個成左政壇新貴喎，會唔會趁機再「佔中」，攪個嘉年華慶祝呢吓？順便招募新兵...證明「違法」不單只冇罪、兼且可以一登龍門，聲價十倍添！

兩年前「佔中」，「正苦」唔多敢做嘢，依家多左幾條政壇「新棍」，「正苦」更加唔敢做嘢啦！唔係喎：唔做嘢、做咩嘢好呢？做鵪鶉囉！

兩年前，警察以為盡忠職守，執行職務係理所當然嘅；兩年以來，警方知道原來當時係自己攞苦嚟辛！如果歷史重演，你估警方會點處理呢？係我就蹺埋雙手！錯了，係我就一早辭職不幹咯:當差吾可以除暴安良，仲做？

想吓、想吓.....咁就瞓著左....

正當佢地攪緊嘉年華之際，「正苦」有人進場拘捕果幾條「棍」，話佢地冇簽「確認書」參選，所以要搣柴喎；有啲「棍」又因為簽左「確認書」而鼓吹「港毒」、可能又要搣柴喎.....

唉！好夢由來最易醒呀....

不過，如果佢地真係要攪嘅，就唔好淨係「佔中」咯，應該「佔港」。唔係咩？今次果班友響各區當選，證明好多人認同霸街、阻礙交通同攪喎香港經濟係啱架馬----咁就一於響果啲多人支持佢地嘅小區(睇吓票站嘅得票率咪知囉)攪「佔街」大會，順便收兵、籌款.....夜晚仲可以唔駛瞓街，入住新貴嘅「垃圾房」；霸得幾耐得幾耐(仲駛咩嘢收地起樓吖)...霸得廿年囉喎....一於將香港置之死地----置之死地先有生機吖馬！

「九龍西」呢區就唔駛啦，因為我住響度；而且呢區果個「白痴BB」係低票當選，仲係要犧牲左隻狗先免強夠票入選！證明呢區啲人係唔認同「佔中」架。