「垃圾會」群魔亂舞

電視新聞講緊美國大選：我問姪女：如果選倒個男嘅，咁點？

姪女：唉！佢傻架。

我：咁你認為女果個好咩？

姪女：豈馬正常啲吖！

我：民主選舉，真係選左個傻嘅，都冇法子架！

姪女：根本都冇選擇---一係選個傻嘅、一係選個戇嘅！

香港「垃圾會」傻嘅、戇嘅都選晒咯！自作孽，將來點都冇得怨啦！

「垃圾會」還有不足1個月便開鑼，有班「垃圾」積極籌組辦事處班底，以應付未來4年的「垃圾會」工作，(首先咪爭「垃圾房」放垃圾囉)。以本土民主前線(本民前)梁天琦「Plan B」成功進入議會的青年新政(青政)梁頌恆近日同人密密斟，據聞一眾本民前核心成員，以及「港大幫」馮敬恩、王俊杰已答應幫忙，換言之，他們做了議員助理之後，除了用公帑出糧之外，還可以名正言順進出立法會，但他們均是衝擊常客，究竟入到立法會是搞事抑或做實事呢？大家要拭目以待嘞！(以後唔駛裡應外合，因為佢地一早收埋響「垃圾房」)

據了解，青政候任議員梁頌恆與游蕙禎將會共同聘用一批辦事處職員(呢啲咪叫做「為威喂」或者一人得道，雞犬升仙囉)，主要來自本民前及港大。他們初步討論過，本民前發言人黃台仰會做傳媒聯絡，策略性退出本民前之後重新加入的李東昇會負責內務工作，至於梁天琦則負責「勾結外國勢力」，代表港獨人士參與外國研討會，這個助理都算是與別不同。至於港大學生會前會長馮敬恩、港大學苑前總編王俊杰就分別負責撰寫發言稿等工作。

雖然看似分工清楚，但各人是否可以恰如其分打好呢份工則是未知之數，例如黃台仰與梁天琦均有官司在身(佢地驚都未驚過，有案例你睇：最多都係判「社會服務令」；就算真係唔好彩判監，上訴後一樣冇事)，隨時返返吓工就要去法庭，一旦法庭判他們入獄，辦事處就要另覓人手。

多得呢個「官」：

眾所周知，立法會是花公帑的，而有人說，其實青政是用份人工養住這班人先，當是報番本民前選舉時大力幫忙之恩，至於能否做到實事其實只是其次，亦有人分析，可以藉機會等青政與本民前增加合作機會，探討兩個組織合併可能。(呢班嘢咩野都唔識，好彩仲識得知思圖報)

不過，最令人擔心的是有人會利用議員助理之便搞事，正如社民連長毛梁國雄亦曾有助理「玩𨋢」阻礙議員返回議事廳，還差點導致流會，已經令人側目，真的難以想像這些衝擊常客進入立法會之後，會否變本加厲，衝擊議事廳，到時便難以收科。(哈哈！我等緊睇好戲架---「正苦」孤惜呢班嘢，抵佢架)

群魔亂舞：