淨係識得鬧「正苦」?

2016/10/01 07:47:25 網誌分類: 健康
01 Oct

我響網誌度經常鬧「正苦」,身為退休公務員,係咪有點那個?

呢啲其實係愛之深、責之切嘅表現,我當然希望個「正苦」人見人愛啦!

可惜事與願違。咁係咪「正苦」錯晒?當然唔係,祇不過依家個「正苦」太軟弱,太怕事!有啲小問題唔盡快處理好,就會變成大問題;小問題都唔敢處理,大問題更加唔敢處理,咁就......

有陣時市民又一樣係幫唔落架(你想俾人打呀?我都係市民之一,不過我諗嘢諗得全面啲,唔會淨係顧住自己),尋晚我地有個「師父仔局」(即係我地呢啲未夠quali做音樂師父嘅師父仔,聚埋一齊夾band練習粵曲伴奏)。休息的時候,與曲友講起「滴滴仔」班嘢嘅問題,曲友指:「正一神係佢、鬼又係佢!」

我:「係囉!要增加建屋數量係佢,要保育係佢、要收地係佢、要不遷不拆又係佢..」.

曲友:「市民成日話唔夠骨灰龕位,攪到仙人去世之後,骨灰要放在殯儀館等龕位;但係每當「正苦」申請在區內加建骨灰盦場,必然遭否決!」

試問:

區議會否決起骨灰盦場,「正苦」去邊度搵地起?

建屋需有地,不遷不拆如何有地?

如要填海,香港還有甚麼地方可填?維港經已填無可填!其他海岸,又受到保育人士、或「環保條例」阻止。

要收地,有人一方面要大額賠償、一方面要原區安置,咁點算?

淨係收「原居民」嘅地?咁樣唔公平!先此聲明:我唔係原居民。至於「棕地」問題,問題咪係「正苦」任由人地更改土地用途咁耐,都冇處理;日子久了,便難處理囉!

如果建議起圖書館,區區都會爭住要;反之,起垃圾站便你推我讓。這便是分區直選所造成的惡果------各自為政!

我響街度經常聽倒啲小朋友叫父母買玩具。父母答:「我地冇錢呀!」小朋友便說:「你去按提款機啦!」小朋友想法天真:如果父母冇錢放響銀行,如何可以按提款機取錢。市民一樣,冇足夠勞動人口交稅款,便要「正苦」實行全民退休保障根本不切實際!

每年財政預算,市民都期待人人有錢派,最好「正苦」增加社會福利(我都一樣);但係良好嘅理財係量入為出(用於每個家庭均適用)。我唔係認為財爺做得百份百啱,但係「政棍」真係懂得理財嘅有幾人?唔好淨係認為為市民(應該話係佢地嘅選民,米飯班主)爭取多點福利,便是盡了責任!睇嘢可唔可以宏觀點?

講番上嚟,我覺得「問責制」絕不可取!要成為問責官員,首先更係要特首識得你(唔係又點會揀中你),最好係friend嚟(咁咪可以friend friend 相護囉);可惜呢個特首friend太少啦,連搵足夠份量嘅人填晒啲「問責官員」位都有困難:結果公務員捱到退休都升唔上嘅位,竟然由啲黃毛小子坐上去做埋佢地上司!咁嘅情況點可能要求佢地可以上下一心吖(果個上司連做佢嘅孫都嫌細)!雖然年少有為嘅唔係冇,但係閱歷呢樣嘢,係要時間浸出嚟嘅。

話時話吖,依家潮流興「黃」色,除左「黃毛小子」,仲有「黃官」、「黃傘」、「黃郁?」、「黃洋?」、「黃色電台」、「黃色毒物」....可惜吖,自兩年前發生「佔中」事件後,我家一切黃色物品都掉晒,特別係黃色嘅傘!連芒果、香蕉我都吾食。惟一仲留番響度嘅,係我那「黃色」嘅皮膚!

 

 

 

回應 (1)
我要發表
開心van仔
開心van仔 2016/10/01 09:06:55 回覆

我一向唔喜欢黃色!

user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!