無人機競速大賽緊張又刺激 戴VR眼罩 駕駛無人機！
2016/10/13 15:02:17 網誌分類: 生活
| 無人機（Drone）近來成為熱潮，Kelly咁潮當然有玩啦！亞洲國際博覽館呢兩日就舉行「2016香港無人機競速大賽」，係全港首創嘅室內專業賽事，選手們昨日拼盡技術，喺高高低低、充滿障礙物嘅賽道上比賽，睇到小妹勁緊張，今晚決賽一定仲刺激呀！ 主辦單位話，今次比賽目的旨在進一步推廣第一視點無人機運動，增加大眾對無人機技術嘅了解。昨日比賽就有三十幾位選手參賽，佢哋戴住VR眼罩，用第一身視覺駕駛無人機，係3D賽道上競速之餘，仲要急速轉彎，避開障礙物等，非常考技術。呢次比賽係得到國際DSA認可，即係相關分數會影響選手嘅國際排名㗎。 唔止選手，場內觀眾一樣睇到好緊張，因為大會喺場內設置咗大熒幕同無綫廣播技術，觀眾可以選手們嘅第一身視點觀賞比賽實況，睇住時速最高可達一百二十公里嘅無人機飛行，觀眾、選手，就連評述們都覺得刺激，大呼過癮。 賽事仲未完㗎，資格賽要到今日傍晚先誕生八強，之後再舉行決賽一較高下呀！ KellyChu |
 | |
| |
 | |
|
回應 (0)
我要發表