建造業獎學金 子女優異成績獲表揚
2016/10/15 10:11:07 網誌分類: 生活
| 建造業工人以汗水建設社會，當然需要獎勵下啦！Kelly知道建造業議會日前頒發「註冊建造業工人家屬獎學金」畀佢哋嘅直屬子女，並恭賀呢班學生喺二○一六年香港中學文憑考試中取得卓越成績。咁有心栽培下一代，小妹超感動。 頒獎禮本月八日舉行，共二十五位學生獲獎（見圖），該項獎學金專為註冊建造業工人嘅直系親屬，及受其監護嘅青少年而設，旨在嘉許考到優異成績嘅學生，以及表揚建造業工人辛勤建設香港。建造業議會主席陳家駒同小妹講，獎學金二○一一年成立，至今已向九十五位本地學生頒發，今屆申請人數更比去年上升五成三，創歷年之冠，覺得好鼓舞咁話。 建造業工人註冊委員會主席莊堅烈就話，除咗已有嘅「公開組」外，今年新設「建造相關學科組」，目的用嚟鼓勵更多年青人加入建造業，當知到部份獲獎同學之後選擇修讀建造相關科目感到好開心，業界期待幾年之後，有機會同佢哋合作。 KellyChu |
 | |
回應 (0)
我要發表