獲贈四條九純金模型 會展第一億名訪客嚟喇﹗
2016/10/15 10:11:07 網誌分類: 生活
| 香港會議展覽中心每年舉辦多項展覽活動，吸引唔少參展商、買家同市民入場，為慶祝邁向新里程，會展噚日就接待咗開業以來嘅第一億名訪客，仲送咗一個足金嘅會展中心模型畀佢留念?，幸運兒喺來港參加香港秋季電子產品展嘅英國買家NicholasJMcVeigh，覺得非常驚喜咁話。 會展中心喺一九八八年開業，多次獲推選為「亞洲最佳會議及展覽中心」，每年嘅書展同動漫展都吸引唔少市民入場，噚日會展就迎嚟第一億名訪客，會展管理公司董事總經理梅李玉霞仲親自送咗個用四條九純金打造嘅會展中心模型畀對方做紀念。 至於呢個模型價值幾多呢？會展朋友就無透露啦，但又話呢個模型向來係要喺會展做夠二十五年嘅同事先會獲送嘅，而今次係第一次有員工以外嘅人獲送模型，機會難得，相當珍貴咁話。 幸運兒︰世界級嘅服務 會展嘅第一億名訪客McVeigh就話，從來無諗過自己可以咁幸運，成為會展第一億名訪客，仲話好欣賞會展管理公司多年來為參展商同買家提供舒適同安全嘅環境，又形容佢地提供世界級嘅服務咁話。 KellyChu |
 | |
| |
 | |
回應 (0)
我要發表