短片宣傳關注乳癌運動 淳BB孖姊妹粉紅革命
2016/10/18 08:41:05 網誌分類: 生活
| 「十月粉紅革命」，即係「國際乳癌關注月」，好多女仔身體力行支持。港隊游泳代表歐鎧淳「淳BB」早前跟隊友鄭莉梅、江忞懿及施幸余獲邀拍攝短片「#TakeActionTogether」，佢哋唔單止「一齊練」、「一齊游返上嚟」，仲想將來一齊嫁、一齊擺大壽，所以係短片內鼓勵姊妹要takeaction，及早行動做身體檢查，保持健康咁話，Kelly都要叫姊妹一齊去檢查先。 由雅詩蘭黛集團發起嘅全球性「關注乳癌運動」，每年十月都透過不同形式活動，團結人們力量，一齊戰勝乳癌。今年嘅運動口號就喺「TAKEACTIONTOGETHER.TODEFEATBREASTCANCER」，希望世界各地「團結一致落實行動，戰勝乳癌」。 今年特別邀請四位剛出戰里約奧運嘅游泳女將，歐鎧淳、鄭莉梅、江忞懿及施幸余，一齊拍片帶出姊妹們彼此鼓勵，實踐關注乳癌嘅行動，團結一起及早檢查、及早治理、擊退乳癌嘅訊息。 短片喺社交平台和該集團旗下品牌facebook專頁推出BCAstrength.hk網上活動，即日起至本月底，網民找出過去一年與自己結伴經歷人生高低嘅最好姊妹，喺facebook上分享以表示謝意，同時鼓勵「她」參與遊戲，提醒好姊妹及早檢查、治理，一起擊退乳癌，每次找出好姊妹後再到facebook分享，該集團將會捐出港幣兩元予香港乳癌基金會。 KellyChu |
 | |
|
回應 (0)
我要發表