向梁主席進言

梁主席：

你依家有冇慶幸當日流會呢？否則果兩隻「龜旦」今時今日經已正式成為「垃圾會議員」(雖然依家啲所謂議員都唔多受尊重！你睇吓「長毛」搭港鐵個款都明啦)

佢地今次去台灣唱衰香港(如果佢地有當自己係議員，理論上事前要通知「垃圾會」呢件事喎；如果佢地冇通知，咁就更加唔駛當佢地係，一於停薪等候法庭發落啦)，與台獨班友裡應外合，仲可以話自己係香港「垃圾會」代表，死未？如果係咁，咪即係「香港垃圾會」支持「港獨」，咁行政長官係咪要解散「垃圾會」呀？

梁主席：過而能改呢樣嘢，唔啱啲「龜旦」用架！

一來：佢地死都唔會認錯---呢啲係現今年輕人嘅通病！雖然佢地係對年輕嘅「龜旦」，都經已病入膏肓咯；

二來：不單祇唔承認錯誤，最叻委過於人---咩嘢事都係人地迫成嘅！連鴨脷洲人都拉埋落水；

三來：年輕人死要面，唔肯當面認錯；但如果心裡裡明白自己做錯左嘢，會用行動糾正錯誤(唔再犯咪得囉)。不過，我講緊嘅係年輕人，對於啲唔係人嘅「龜旦」亦係唔適用嘅；

四來：即使唔糾正錯誤，都唔會再犯！問題都係果句：呢啲嘢祇啱人用，唔啱「龜旦」用架！所以佢地會一而再、再而三咁犯錯！死性不改

梁主席：果兩隻「龜旦」由未參選、到參左選、到唔好彩俾部份「損民」選左出嚟，整個個程處處顯示佢地一直響度「播毒」，一直冥頑不靈，你仲天真到認為佢地會轉死性咩？