「水哥有禮」靚位擺檔 名人品酒 唔提「跑馬仔」
2016/10/28 08:41:14 網誌分類: 生活
| 識飲識食嘅紀曉華（水哥），每屆都會喺美酒佳餚巡禮擺檔，今屆佢找到個好位，「水哥有禮」大大個招牌，喺中環摩天輪入口處，一入去必定睇到。昨日正值巡禮開幕，小妹見到好多位嘴刁老友，好似自由黨榮譽主席田北俊（田少）好熱情，拎住樽酒四圍同大隊酒！ 水哥話，今年首次推出自家秘製嘅靚溏心鮑魚，滋味真係只此一家，至於小食，「水哥」一啲都唔失禮，親手鮮炸腰果，有咖喱同松露兩種口味任揀，Kelly試過，兩款都好香口又極鬆脆。昨晚Kelly仲見到好多政界名人蒲頭，包括立法會主席梁君彥，佢一出現就有好多人上前表示支持佢，又見到被外界視為特首跑馬仔人選嘅財政司司長曾俊華，但佢成晚封嘴不提會唔會參選，而田少就拎住酒全場飛，由於佢係旅發局前主席，見好多同事自然隊酒盡慶啦。 KellyChu |
 | |
| |
 | |
|
回應 (0)
我要發表