本地釀酒師活化古方 美酒佳餚巡禮 小食好滋味
2016/10/28 08:41:14 網誌分類: 生活
| 一年一度嘅美酒佳餚巡禮，係為食人望到頸都長嘅盛事，Kelly知道今次唔單止場地面積係歷年最大，仲回應咗民意，大幅增加美食選擇，等大家暢飲之餘，吃個飽飽，真係掃一轉街都要捧住個肚仔返屋企呀！小妹仲發現，有年輕人好有心，活化古方，自釀菊花酒，真係好好飲。 一連四日嘅美酒佳餚巡禮昨天開鑼啦，Kelly身邊嘅饞嘴朋友即時組團去朝聖。旅發局主席林建岳博士話，巡禮順利開幕，特別開心，因為上周颱風連環吹襲，仲打埋八號風球，搞到身在外地嘅佢都心掛掛，成日打電話畀班同事問惡劣天氣會否持續。 幸好颱風過後，天公做美，昨天陽光普照，為巡禮締造一個好開始，岳少話聆聽到大家嘅聲音，今屆新增好多美食，米芝蓮美食有又，地道小食又有，等大家飲靚酒都過癮啲。 Kelly走訪唔同攤位，除咗飲靚酒食好嘢之外，仲識咗一位年輕本地釀酒師傑仔，佢從老人家浸菊花酒得到靈感，佢見菊花酒偏苦，發揮創意，用上伏特加結合英國白酒，加入洋甘菊、胎菊同葵菊，調校出一杯酒味芳郁而又帶清新菊香嘅美酒，對眼睛皮膚都有好處，年輕人振興本地民間美酒，真係抵讚。 KellyChu |
 | |
| |
 | |
|
回應 (0)
我要發表