商場聖誕大抽獎隨時中十萬元旅遊套票

2016/11/02 08:41:04 網誌分類: 生活

02 Nov

        踏入聖誕消費旺季，各大商場都搞搞新意思，刺激本地消費。新鴻基地產旗下十大商場將強勢推出三千八百萬聖誕推廣策略，推出頭獎為價值十萬蚊旅遊套票嘅聖誕抽獎，引入國際級六大聖誕經典主題吸納本地家庭客群，仲開設聖誕主題期間限定Pop-upStore，聯同商戶提供約五百個聖誕着數優惠，Kelly已經準備瘋狂shopping喇！

        其中世貿中心會同韓國人氣偶像安宰賢合作，開設由佢設計同主理嘅首飾品牌AA.Gban香港首間期間限定店；而將軍澳東港城則有風靡全球嘅變形金剛，以當中最經典嘅第一代G1系列為主題，設置全港首個展覽及大型裝置。新鴻基地產代理租務部總經理鍾秀蓮話，往年嘅聖誕推廣期，新地九大商場人流同營業額分別按年升百分之八及九，若再加上今年八月開幕嘅PopWalk，預期十大商場嘅聖誕營業額將近六億呀。

        KellyChu