會展28歲生日一個Like捐$2.8畀「惜食堂」

2016/11/02 08:41:04 網誌分類: 生活

02 Nov

        會展管理公司一直同慈善機構「惜食堂」有合作，會展為慶祝今個月踏入二十八歲生日，就舉行一個「識LIKE惜食」大行動，會展facebook專頁今個月每多一個like，會展管理公司就會捐二元八角畀「惜食堂」支援食物回收及援助計劃。Kelly號召多啲朋友like爆會展個fb先。

        會展趁住今個月正值二十八周年，展開連串「識LIKE惜食」大行動。頭炮活動就係，每當會展fb專頁「HongKongConventionandExhibitionCentre」新增一位粉絲（Like），會展管理公司就會捐出二元八角，支援「惜食堂」嘅食物回收及援助計劃。會展管理公司發言人話，未有訂下捐款金額目標，呼籲各位粉絲大力支持咁話。

        小妹仲知道，會展fb專頁更會喺二十五日生日正日同二十九日，推出行動嘅第二及第三波，邀請更多粉絲一同參與，捐款全數用作支援「惜食堂」。會展管理公司自二○一一年起與「惜食堂」成為長期夥伴，捐贈會展中心嘅餐廳及部份宴會未經食用嘅食物予「惜食堂」。咁有意義嘅活動，Kelly大力支持呀！

        KellyChu