熱烈祝賀梁、游「已完」履新！
2016/11/08 10:33:17 網誌分類: 時事
釋法一錘定音，梁游終於達成佢地嘅「已完」夢，全港市民真係為佢地熱烈歡呼---唔駛再做馬騮戲、唔駛再硬碰、唔駛慌仲有「毛婆」保護(因為佢自身難保)、唔駛驚冇地方、冇時間x嘢，以後唔駛開會、亦唔慌有人聘請，一日廿四小時都可x嘢！
今早食早餐，才留意倒「毛婆」果個「公文袋」條橫額(上面寫住：香港自決)忽然唔見左！真係快手。希望「正苦」一早影左相，繼續跟進啦！
我住響「九龍西」，補選已成定局。希望上次錯選「禎子」嘅「損民」覺悟，慎用手上一票；尋日遇見的年輕人，更加唔好浪費手上一票，吸取失敗經驗，重新思考。
除梁游外，以下果啲一朝得志、語無倫次者相信依家有得震、冇得瞓！連「毛婆」都驚，佢地唔驚有鬼！
以上遊戲代價真高！
早前聽聞「禎子」同「老屍」都會遷居紅磡同一個屋苑(九西已完喎)，呢啲係咪叫做物以類聚呢吓？而家發生左釋法呢件事，佢地會唔會冇鞋挽屐走呢？如果我時運低，同佢住同一屋苑，我咪日日要尊稱佢做「游已完」？再時運低見倒佢父母，咪要問吓：點解呢排唔見你地個女？佢去左X嘢呀？
「老屍」雖然在第二次宣誓時，正正經經讀出誓詞；但根據人大釋法，佢唔應該有tick two 機會，係大主席做錯決定，所以佢應該都做左「已完」。
不過，舊果批「飯民」，「正苦」縱容左佢地咁耐都冇行動，依家至嚟執行，相信有一定困難！
尋日中學同學聚會(又聚會？係囉，越嚟越密，由幾個月一次變一個月一次，依家兩星期一次)，有同學感嘆何解「正苦」表現咁差？我同另一位同是退休公務員的同學意見是：多年前，「飯民」(當時是瞓街卿帶頭)要「正苦」瘦身，所以有好幾年「正苦」冇增聘人手，退休後的空缺亦不填補，變成有一段長時間真空期。即使若干年後重新招聘，訓練新人需時，所以現時很多高級公務員，是未有足夠經驗而升上去果個位。我成日都講：經驗係要累積嘅！即使你本身好醒，都要從失敗中吸取經驗；有些人錯完可以再錯(梁游便是最佳人版)、但好似我咁，同一個錯誤我唔會容許佢發生第二次！
高級公務員要不是經驗不足，響「新界東」選舉主任不接納梁天琦參選的同時，其他各區的選舉主任應互有共識，唔會放生左幾個，攪到依家咁嘅局面！當然，選舉事務處及民政事務總署亦難辭其咎！
吾駛急，若然不報，時辰未到嗜!
聽說，有人已經就老屍宣誓一事，入告法院。
根據釋法原則，釋法前，未上法庭的，算數。
釋法後再審的，一律要跟釋法後的指引。
即是，任何議員，如果釋法後，有人入告法院的話，全部跟釋法後的指引審決。
大家唔順邊位發誓加料的議員，要入告法庭就快手啦！哈…