呢個政府有幾廢?

2016/11/11 10:25:57 網誌分類: 生活
11 Nov

人大釋法後,香港市民未見政府就「玩嘢」議員有所行動!齋講唔算架,林鄭話保留追究權利喎!政府好多嘢都有權利,但總係唔跟進啫----霸佔行人天橋隧道唔理、佔用官地建別墅又唔理、高官貪污又唔理......

20161102

 

雖然理論上,任何市民都可以提出司法覆核,但係你同我相信都唔會咁做!申請司法覆核唔駛錢、唔駛時間呀?包贏架----遇著個「黃官」分分鐘輸埋官司仲要拉人封艇呀,呢啲嘢係市民應該做嘅咩?納稅人嘅錢出糧俾你地班公務員/高官做咩嘢呀?淨係保留追究權利?

 

不過,好做唔做嘅事就經常發生:(報導)

 

青年新政立法會議員游蕙禎和梁頌恆早前宣誓時涉辱華引起關注,二人至今仍未完成宣誓,立法會主席梁君彥並禁止二人參加會議。立法會大會昨日終復常,並於今早進行續會,期間非建制派多次提出點算法定人數,立法會秘書處疑「擺烏龍」,竟發短訊予梁頌恆,着他返回議事廳參加會議。

 

我都話依家啲公務員一蟹不如一蟹架啦!我身為幾班伴奏班用學嘅班長,負責各班群組管理;包括通知個別班同學有關上課事宜。有同學退學,我都即時會從群組刪除佢地。立法會一個咁重要嘅機構(雖然依家市民都覺得佢唔係),竟然可以發生啲咁低級嘅錯誤,招「畜牲」口實,係咪人神共憤吖?

 

咁都未止喎!早兩日一年一度維多利亞公園年宵檔口公開競投,竟然發生咁嘅事:(報導)

 

當外界關注「獨鴛鴦」仲會搞乜名堂嘅時候,尋日梁游就銷聲匿跡,完全無現身立法會。不過呢,記者發現原來尋日朝早立法會開會嘅時候,梁頌恆就一枝公去咗灣仔伊利沙伯體育館競投攤位,密謀喺維園年宵「擺檔播『獨』」。但梁游早已係過街老鼠,唔少在場人士都對佢投以異樣目光,仲不時指指點點。

對於市民嘅非議,梁頌恆就扮睇唔到,全程低頭望手機,仲喺公眾場合翹起隻腳咁坐,態度好囂咁囉。尋日成個競投過程梁頌恆都好鬼祟,一路喺度遙控兩位跟班分開幫佢舉牌競投。點仔後來仲八到,梁頌恆尋日以6.61萬成功投得維園年宵199號攤位及200號攤位,其中轉角位攤位費更高達4.55萬,揼本程度直逼公民黨嘅7.15萬。嘩,無得做議員之後梁游要回水接近200萬喎,仲有錢去維園擺檔?唔通真係有「金主」?有成功投得「青政」附近攤位嘅檔主同點仔講,到辦手續時先知道隔籬係「青政」,好無奈咁話。不過都有喺附近嘅檔主話,希望到時候唔好咁亂,搞到大家做唔到生意。係囉,今年大年初一旺角暴亂大家都仲係好驚驚, 「港獨」千祈唔好又喺明年新年去衝擊維園啦!

20161110

究竟呢隻「畜牲」用咩嘢名義投得檔口?佢啲錢又從何而來?或者佢老豆大把、或者佢利用立法會薪酬....無論如何,假若佢是以「新政」之名,咁就即係擺到明利用年宵公然「播毒」!食環署又如何自處?係咪祇要有錢收,話之你利用公家地方招募傘兵又好、播獨又好、反中/反政府都好、........總之就係冇監管!

 

 

 

 

回應 (3)
我要發表
383383
383383 2016/11/11 13:34:19 回覆

香港最可笑的,就是:

公開鼓吹港獨,是無罰則的。

 

只要你唔打算做高官,不使用暴力,可以隨便四處公然鼓吹港獨。

開心van仔
開心van仔 2016/11/11 12:59:53 回覆

建制都唔知咩野黎架,成日都唔做野!又係只顧出糧的一族!枉稱建制!

383383
383383 2016/11/11 11:44:20 回覆

唔好話我話的啦!

這種醜人,當然是垃圾議員去做的嘛!嗱!區議員又得,垃圾議員都得,他們是為民請命的一群,並不是只出糧的啊!

犯民玩野,當然要由民建出面,去告他們!

甚麼叫為民請合呀!

user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!