加碼送西餅券超市禮券 香港總商會 X「頭條Jetso」 勁送逾十萬蚊獎品！
2016/11/15 08:41:04 網誌分類: 生活
| 香港總商會自二○一一年起每年都會請全港市民免費搭電車同天星小輪，以慶祝創會紀念日，總商會靚女總裁袁莎妮（Shirley）同Kelly講，知道活動深受會員和市民歡迎，所以今年將再接再厲，連續第六年舉辦呢個活動，日子仲定咗喺十一月二十九號𠻹！Kelly就已經約咗班姊妹嗰日齊齊遊完電車河再遊船河，搭番夠本。 今年適逢總商會創會一百五十五周年，除咗請全港市民免費搭電車同天星小輪外，總商會決定加碼益市民，同「頭條Jetso」App合辦有獎問答遊戲，勁送總值逾十萬蚊嘅獎品！據知，遊戲分為兩個階段，合共送出七百幾張價值一百至五百蚊嘅西餅券同超市禮券！ 首階段送超過五萬蚊西餅券 Shirley同Kelly講，當佢聽到同事話以禮券做獎品時，佢就超興奮咁「嘩」咗出嚟，事關冇幾耐之前，先有總商會嘅會員問佢，商會有冇啲禮券送畀佢哋，今次呢個活動就啱晒啦！Shirley仲話，平時總商會嘅工作都圍繞住商界同政府，佢成日都諗點樣令總商會同市民貼近啲，舉辦呢類型嘅活動有助拉近同市民嘅距離，所以都好樂意做。 香港總商會X「頭條Jetso」App有獎問答遊戲喺十一月十四號就開始喇！玩法非常簡單，只要下載「頭條Jetso」App，於活動期間嘅指定參加時段內入去答啱問題兼Share畀Friends，就有機會獲獎！大家記住密切留意「頭條Jetso」App及香港總商會嘅活動喇！ KellyChu |
 | |
| |
 | |
|
回應 (0)
我要發表