匯豐社區節 冰壺、欖球任玩
2016/11/28 10:11:08 網誌分類: 生活
| 「匯豐社區節2016」昨日喺中環遮打道及全港多區舉行，活動以匯聚社群為題，鼓勵公眾積極參與各項社區活動，等大家可以透過遊戲同表演更加深入認識自己嘅社區。社區節嘅活動涵括本地同國外文化，例如地板冰壺、欖球運動同南亞樂隊演唱等，平時少玩嘅市民，都可以向熟手嘅朋友學吓玩，達到交流匯聚嘅目的。 「匯豐社區節2016」開始之前，香港上海匯豐銀行副主席及行政總裁王冬勝、匯豐大中華區行政總裁黃碧娟、匯豐香港區總裁施穎茵，聯同主禮嘉賓、署理財政司司長蘇錦樑等，喺匯豐總行大廈主持開幕禮。社區節於中環遮打道行人專區同全港十八區舉行，當中嘅活動包括地板冰壺、欖球活動、製作天然中草藥防蚊香包、長者椅子操同經典粵語歌曲手語表演等。 社區節以凝聚社會各階層力量為目標，以建構和階共融嘅社會，所以昨日有部份嘅活動亦包含本地同國外文化，例如「沙頭角文化康樂棋」、龍船舞同南亞樂隊演泊尼泊爾歌曲等。 王冬勝話，社區節係第五年舉辦，匯豐為此感到自豪，透過呢個活動，增進各界對社區嘅認識，同了解唔同慈善機構嘅相關工作咁話。 KellyChu |
 | |
| |
 | |
回應 (0)
我要發表