海洋公園好威威 聖誕冰上匯演贏「金像獎」
2016/11/29 08:41:03 網誌分類: 生活
| 海洋公園揚威海外！喺美國獲國際遊樂園及景點協會頒發兩項卓越大銅鈴獎，憑去年聖誕節「萬花筒冰上匯演」以及海洋公園節目監督伍東旋，分別奪得「卓越現場娛樂表演」類別中嘅「最具創意運動／特技表演大銅鈴獎」及「大銅鈴精神大獎」，呢個獎項好勁㗎，等同電影界嘅奧斯卡金像獎，夠晒威水！ 國際遊樂園及景點協會嘅會員，來自九十九個國家逾五千個著名景點、企業及個人，可見協會主辦嘅卓越大銅鈴獎廣受業界認同。海洋公園憑去年聖誕全城HOHOHO重點項目「萬花筒冰上匯演」，以光雕投影技術呈現炫目奇幻場景，勇奪「最具創意運動／特技表演大銅鈴獎」。該表演由奧運前選手WillyBietak監製，由屢獲國際獎項嘅舞蹈設計師SarahKawahara編排，並集合世界級滑冰高手嘅舞蹈、凌空花式等特技演出。 同時，節目監督伍東旋贏得「大銅鈴精神大獎」，確認佢喺幕後製作高質素現場娛樂表演的卓越成就。伍東旋喺海洋公園工作十六年，現時佢負責管理節目製作聯絡人，統籌公園節慶活動，從概念構思至項目執行皆一手包辦，認真能幹。海洋公園行政總裁李繩宗對於海洋公園獲頒兩項大獎，深感榮幸，並為公園能夠全年無間斷為遊人提供的現場娛樂表演感到自豪。 KellyChu |
 | |
| |
 | |
|
回應 (0)
我要發表