KellyChu - 港鐵發明展破紀錄奪21獎 | Executive日記
2024/04/23 02:11:52
網誌分類:
生活
港鐵應用創新科技打造「智慧鐵路」,喺「第49屆日內瓦國際發明展」奪得7項金獎合共21個獎項,創下破紀錄佳績。獲獎發明應用咗例如人工智能、大數據、影像分析、物聯網及光學雷達等創新科技,涵蓋提升車站、列車及信號系統嘅營運安全表現,加強對橋樑、隧道及軌道運作狀況嘅分析與監控等領域。
港鐵多個「智慧營運及維修」項目獲得金獎,其中以人工智能技術開發嘅一套精密演算法,可以實時收集列車轉向架嘅震動頻率數據,有效預測異常情況,加強監測和維修。另一款連接到綠色能源嘅電池供電感測器,亦獲得了金獎,感測器偵測到列車喺車廠位置及信號燈嘅信號後,會向迎來嘅列車發出提示,進一步提升鐵路服務安全及可靠性。
而港鐵同本地及內地科研單位共同研發嘅項目,亦取得佳績。港鐵與「香港應用科技研究院」合作開發嘅「應急通訊新突破」項目獲得金獎,該項目透過喺無線電通訊中運用自然語言處理(NLP)系統,實時將語音轉換成文字,幫助車務控制中心喺監控及處理突發事件時,更準確掌握事態發展及作出跟進。
港鐵公司車務及創新總監李家潤博士認為,今次日內瓦國際發明展嘅成績令人鼓舞,公司將會加快應用創新科技,建設以科技帶動及數據導向嘅「智慧鐵路」,並繼續促進「產、學、研」合作,集合各自所長,共同建構創科生態圈,推動香港嘅智慧城市發展。
KellyChu
![港鐵於今屆日內瓦國際發明展取得破紀錄佳績。 港鐵於今屆日內瓦國際發明展取得破紀錄佳績。](http://static.stheadline.com/stheadline/news_res/2024/04/23/40393/i_src_740810125.jpg)
港鐵於今屆日內瓦國際發明展取得破紀錄佳績。
回應
(0)
我要發表