KellyChu - 瑪姬9月辦慈善演唱會 為香港基層婦女聯會籌款 | Executive日記

　　身兼主持人及歌手兩職嘅瑪姬，去年底香港首個個唱技驚四座，近日宣布舉辦「瑪姬給女王的盛宴慈善演唱會2024」，透過歌聲為香港基層婦女聯會籌款。演唱會將於9月30日喺旺角麥花臣場館舉行，門票亦已公開發售。

　　瑪姬表示，相隔9個月，非常感恩能夠再次舉行個人演唱會，能夠透過歌聲為香港基層婦女聯會出一分力，絕對係佢嘅榮幸，將用歌曲唱出女性嘅高山低谷，向身處不同範疇嘅「女王」致敬，這也是打動佢舉辦今次個唱嘅主要原因。瑪姬透露，今次邀請咗前輩尹光和好友黃建東為個唱擔任嘉賓。

　　近日瑪姬正在忙於宣傳和尹光合唱嘅新歌《絲打天花板》，不過佢仍每天堅持抽空做運動，包括晚上跑步和踩單車練氣，以及和演唱會製作團隊開會，務求做好今次個唱，帶畀大家一場豐富嘅音樂盛宴。

KellyChu