KellyChu - 青少年27年間身高增2cm 男生平均170.9cm 女生160.2cm | Executive日記

　　衞生署將採用新制訂嘅生長圖表，監察香港兒童及青少年生長情況，相比1993年制訂嘅舊圖表，本港18歲青少年嘅身高中位數增長約2厘米。至於大家長高高嘅原因，研究團隊解釋主要係因為飲食營養及生活方式改善等，全球好多地方都有呢個增長趨勢。

　　醫衞局早前撥款資助進行「香港生長研究」，收集逾2.1萬名嬰幼兒、兒童及青少年嘅生長數據，發現佢哋身高體重都比以前有明顯增長趨勢，所以1993年沿用至今嘅生長圖表已經唔啱用喇，其中18歲男生嘅身高中位數從1993年嘅170.9厘米增至2020年嘅172.5厘米，女生就從158.2厘米增至160.2厘米。

　　新生長圖表7月起會喺母嬰健康院開始使用，9月起再於學生健康服務中心及公立醫院逐步使用。研究團隊亦建議採用新標準為6至18歲嘅兒童及青少年評估肥胖問題，以減少將體重正常嘅兒童視為超重嘅個案比例。

KellyChu