Kelly Chu
Kelly Chu
Kelly Chu

期間限定 答問題贏迪士尼門票 《頭條》讀者率先同IRON MAN作戰

2016/12/09 08:41:05 網誌分類: 生活
09 Dec
        香港迪士尼樂園重頭項目「鐵甲奇俠飛行之旅」下個月十一日就正式開幕啦,Kelly同唔少粉絲都熱切期待,同鐵甲奇俠一齊去拯救呢個問題多多嘅地球,大家係咪好心急呢?咁小妹就有解救辦法,香港迪士尼樂園好姊妹就畀機會《頭條日報》讀者率先試玩,一共送出五十套門票(每套包括兩張門票及兩個試玩名額),得獎者可以喺下星期三(十四日)優先體驗同鐵甲奇俠一齊飛越香港上空,對抗邪惡勢力,千祈唔好錯過呀!

        萬眾期待嘅「鐵甲奇俠飛行之旅」,係迪士尼樂園首個以香港背景為主題嘅遊樂設施,除咗可以坐「鐵甲號」飛行車,同鐵甲奇俠一齊穿梭香港鬧市同景點,同邪惡勢力Hydra對決外,仲可以去「史達科技展」朝聖,粉絲可以親身見證主角東尼史達(TonyStark)嘅最新科技發明,好似「弦反應能源器」、鐵甲奇俠MarkI同MarkIII戰甲,仲有MarkV手提箱等珍貴裝備。嘩!Kelly聽到都覺得好興奮呀!

        《頭條》讀者有機會試玩機會喇!只要用三十字或以下寫出你喜歡漫威超級英雄嘅原因,今日下午六時前將有關文字連同個人英文姓名、電話及身份證號碼(英文字母及首四個數字),電郵至[email protected],等小妹睇吓邊個寫得最有心思,就可以喺下周三(十二月十四日)免費得到兩張迪士尼門票,同埋兩個「鐵甲奇俠飛行之旅」試玩名額。粉絲們,不要等,快啲行動,鐵甲奇俠等緊你,獲選讀者稍後會有專人通知領取門票嘅方法。

        KellyChu

        

        
■IRON MAN粉絲們有機會穿梭香港鬧市,與邪惡勢力Hydra決戰!
■IRON MAN粉絲們有機會穿梭香港鬧市,與邪惡勢力Hydra決戰!
■粉絲們有機會見證史達的最新科技發明,當中包括Mark V——重型建築無人機。
■粉絲們有機會見證史達的最新科技發明,當中包括Mark V——重型建築無人機。
回應 (0)
我要發表
user