捐贈聖誕禮物惠長者
2016/12/10 08:41:02 網誌分類: 生活
| 聖誕收到禮物雖然好開心，但係唔啱用隨時造成浪費，所以與其丟棄，不如捐咗佢！Kelly知道城景國際舉行緊「贈愛‧同慶」活動，募集未用過或全新禮物轉贈老人家，又有義賣活動將收益撥捐慈善機構，可以減少浪費，又可以幫到人，大家係時候做吓善事啦！ 城景國際由即日起至明年一月十三日舉行活動，主要募集小型家電及日常家品，如熱水壼、煮食煲、枱燈、指甲鉗等，物資將會轉贈有需要長者，活動同時邀請本地插畫師以「活力動感油麻地」及「城市綠洲概念酒店大堂」為題，製作一系列明信片及彩繪水杯用作義賣，件件都畫得超靚！收益將全數撥捐慈善機構。每位捐贈者咁有心，都會獲得一份小小嘅紀念品。 城景國際總經理胡瑞麟同小妹講，聖誕收到的禮物有時未必合用，往往造成浪費，今次活動將收集到嘅日常用品捐贈畀有需要長者，等佢哋喺節日感到關愛，同時藉此減低浪費，為環保出分力，一舉兩得。如果想捐贈物資，就嚟九龍窩打老道嘅城景國際大堂禮賓部啦！ KellyChu |
 | |
| |
 | |
| |
 | |
| |
 | |
回應 (0)
我要發表