期間限定 答問題贏迪士尼門票 《頭條》讀者率先同IRON MAN作戰
2016/12/09 08:41:05 網誌分類: 生活
| 香港迪士尼樂園重頭項目「鐵甲奇俠飛行之旅」下個月十一日就正式開幕啦，Kelly同唔少粉絲都熱切期待，同鐵甲奇俠一齊去拯救呢個問題多多嘅地球，大家係咪好心急呢？咁小妹就有解救辦法，香港迪士尼樂園好姊妹就畀機會《頭條日報》讀者率先試玩，一共送出五十套門票（每套包括兩張門票及兩個試玩名額），得獎者可以喺下星期三（十四日）優先體驗同鐵甲奇俠一齊飛越香港上空，對抗邪惡勢力，千祈唔好錯過呀！ 萬眾期待嘅「鐵甲奇俠飛行之旅」，係迪士尼樂園首個以香港背景為主題嘅遊樂設施，除咗可以坐「鐵甲號」飛行車，同鐵甲奇俠一齊穿梭香港鬧市同景點，同邪惡勢力Hydra對決外，仲可以去「史達科技展」朝聖，粉絲可以親身見證主角東尼史達（TonyStark）嘅最新科技發明，好似「弦反應能源器」、鐵甲奇俠MarkI同MarkIII戰甲，仲有MarkV手提箱等珍貴裝備。嘩！Kelly聽到都覺得好興奮呀！ 《頭條》讀者有機會試玩機會喇！只要用三十字或以下寫出你喜歡漫威超級英雄嘅原因，今日下午六時前將有關文字連同個人英文姓名、電話及身份證號碼（英文字母及首四個數字），電郵至ticket@hkheadline.com，等小妹睇吓邊個寫得最有心思，就可以喺下周三（十二月十四日）免費得到兩張迪士尼門票，同埋兩個「鐵甲奇俠飛行之旅」試玩名額。粉絲們，不要等，快啲行動，鐵甲奇俠等緊你，獲選讀者稍後會有專人通知領取門票嘅方法。 KellyChu |
 | |
| |
 | |
|
回應 (0)
我要發表